- సోలార్ ఎనర్జీ కారిడార్గా ఓఆర్ఆర్
- ఔటర్ పొడవునా సోలార్ ప్లాంట్ నిర్మాణానికి ప్రణాళిక
- 100 మెగావాట్ల విద్యుత్ ఉత్పత్తికి రూపకల్పన
- ఉత్పత్తి అయిన కరెంట్ను టీజీఎస్పీడీసీఎల్ గ్రిడ్కు అనుసంధానం
- డీపీఆర్ తయారీకి సన్నాహాలు
హైదరాబాద్ సిటీ, వెలుగు: అభివృద్ధిలో రాకెట్ వేగంతో దూసుకెళ్తున్న గ్రేటర్ హైదరాబాద్కు సింబల్గా ఉన్న158 కి.మీ. పొడవైన ఔటర్ రింగ్ రోడ్(ఓఆర్ఆర్) త్వరలో సోలార్ కారిడార్గా రూపాంతరం చెందనుంది. 8 లేన్ల హైస్పీడ్రోడ్గా ఉన్న ఔటర్ సెంట్రల్ మీడియన్పై 100 మెగావాట్ల రూఫ్ టాప్ సోలార్ ప్లాంట్ను ఏర్పాటు చేసేందుకు హెచ్ఎండీఏలోని హైదరాబాద్ గ్రోత్ కారిడార్(హెచ్జీసీఎల్) అధికారులు ప్రణాళిక రెడీ చేస్తున్నారు. ఈ ప్రాజెక్ట్ విజయవంతమైతే.. ఓఆర్ఆర్ అత్యంత వేగవంతమైన హైస్పీడ్ రోడ్గా మాత్రమే కాకుండా, క్లీన్ ఎనర్జీ ఉత్పత్తి కేంద్రంగా మారనుంది.
ఉత్పత్తి అయిన కరెంట్ను టీజీఎస్పీడీసీఎల్ గ్రిడ్కు అనుసంధానం చేసి, సొంత అవసరాలకు లేదా విక్రయం ద్వారా ఆదాయం పొందేందుకు హెచ్ఎండీఏ సన్నాహాలు చేస్తున్నది. ఈ ప్రాజెక్ట్ కార్బన్ ఉద్ఘారాలను తగ్గించి, పర్యావరణ పరిరక్షణకు దోహదపడనుంది. ఇప్పటికే గ్రేటర్పరిధిలో పలు కీలక ప్రాజెక్టుల నిర్వహణతో పాటు పర్యాటక కేంద్రాల అభివృద్ధిలో కూడా పాలు పంచుకుంటున్న హెచ్ఎండీఏ త్వరలో సోలార్ పవర్జనరేషన్లోనూ తన ప్రత్యేకతను చాటుకునేందుకు సిద్ధమవుతోంది. పర్యావరణ పరిరక్షణలో భాగంగానే ఈ కొత్త ప్రతిపాదన తెరపైకి తీసుకు వస్తున్నట్టు అధికారులు తెలిపారు.
డీపీఆర్కు కన్సల్టెన్సీల ఆహ్వానం
ఈ ప్రాజెక్టుకు సంబంధించి డిటెయిల్డ్ప్రాజెక్ట్ రిపోర్ట్ (డీపీఆర్) తయారు చేసేందుకు కొన్ని కన్సల్టెన్సీ సంస్థలను ఆహ్వానించాలని అధికారులు నిర్ణయించారు.100 మెగావాట్ల రూఫ్టాప్ సోలార్ ప్లాంట్ల ఏర్పాటు, నిర్వహణ, దానికయ్యే వ్యయం, ఉత్పత్తి సామర్థ్యంపై కన్సల్టెన్సీ సంస్థల నుంచి అధికారులు నివేదికలను కోరుతున్నారు.
ఉత్పత్తి అయిన కరెంట్ను ఓఆర్ఆర్కు ఆనుకొని ఉన్న కొల్లూరు, సుల్తాన్పూర్, ఇంజాపూర్, రావిర్యాల, తుక్కుగూడ, మహంకాళి, పెద్ద గోల్కొండ, కిస్మత్‌‌‌‌పూరా వంటి సబ్స్టేషన్ల ద్వారా టీజీఎస్పీడీసీఎల్ గ్రిడ్కు అనుసంధానం చేస్తారు. ఈ ప్రాజెక్ట్ సోషియో-ఎకనామిక్ ప్రయోజనాలు, క్లీన్ ఎనర్జీ ఉత్పత్తి, యువతకు ఉపాధి అవకాశాలను కల్పిస్తుందని అధికారులు తెలిపారు. ఎంపికైన కన్సల్టింగ్ ఏజెన్సీ 45 రోజుల్లో డీపీఆర్ సమర్పించాలని నిబంధన విధించారు.
