హైదరాబాద్సిటీ, వెలుగు: కీలక కేసుల పర్యవేక్షణకు సెంట్రల్ ఇన్వెస్టిగేషన్ టీమ్ (సిట్) ను ఏర్పాటు చేయనున్నట్లు హైదరాబాద్ సీపీ వీసీ సజ్జనార్ వెల్లడించారు. నేరస్తులను కేవలం అరెస్టు చేయడమే కాకుండా.. వారికి న్యాయస్థానాల్లో కఠిన శిక్షలు పడేలా చూడటమే అంతిమ లక్ష్యమన్నారు. బంజారాహిల్స్‌‌లోని టీజీఐసీసీసీ ఆడిటోరియంలో శుక్రవారం అక్టోబర్ నెలకు సంబంధించిన క్రైం రివ్యూ నిర్వహించారు.
ఈ సందర్భంగా రోజు రోజుకీ పెరుగుతున్న కేసులు, అక్విటల్ అయిన పాత కేసుల గురించి ఆరా తీశారు. సీపీ మాట్లాడుతూ పీఎస్కు వచ్చే ప్రతి ఫిర్యాదుపై వెంటనే స్పందించి ఎఫ్‌‌ఐఆర్‌ నమోదు చేయాలని, కంప్లయింట్స్పక్కన పెట్టినా, నేర తీవ్రతను తగ్గించి చూపినా ఊరుకునేది లేదన్నారు. అలాంటి అధికారులను సస్పెండ్చేస్తానన్నారు. పీఎస్కు వచ్చే మహిళలతో మర్యాదగా ప్రవర్తించాలన్నారు. కేసుల విచారణలో టెక్నికల్ఎవిడెన్స్పక్కాగా సేకరించాలని, తద్వారా కన్విక్షన్‌ రేట్‌ పెంచేలా ప్లాన్ఉండాలన్నారు.
డ్యూటీలో ఉన్నప్పుడు తప్పనిసరిగా వెపన్ వెంట ఉంచుకోవాలని, ప్రతి 15 రోజులకోసారి వెపన్ డ్రిల్‌ నిర్వహించాలన్నారు. క్రైమ్అడిషనల్సీపీ శ్రీనివాసులు, డీసీపీలు కె.అపూర్వా రావు, శ్వేత, రక్షిత కృష్ణమూర్తి, రష్మి పెరుమాళ్, కె.శిల్పవల్లి, సి.రూపేశ్, కె.కిరణ్ ప్రభాకర్ పాల్గొన్నారు.
పాత బస్తీలో ప్రతి శుక్రవారం
ఓల్డ్సిటీ: ఓల్డ్సిటీ ప్రజల ఇబ్బందులు, సమస్యలను తెలుసుకునేందుకు ప్రతి శుక్రవారం అందుబాటులో ఉంటానని సీపీ సజ్జనార్ తెలిపారు. ఛత్తాబజార్లోని కమిషనరేట్కార్యాలయంలో ఆయన స్థానికుల నుంచి దరఖాస్తులను స్వీకరించి సమస్యలను అడిగి తెలుసుకున్నారు. అనంతరంచార్మినార్లోని మక్కామసీద్ ప్రాంతంలో పర్యటించారు. శాలిబండలో ఇటీవల అగ్నిప్రమాదం జరిగిన గోమతి ఎలక్ట్రానిక్స్ షాపును పరిశీలించారు.
