
గచ్చిబౌలి, వెలుగు: ఓ నిర్మాణ సంస్థ నిబంధనలకు విరుద్ధంగా బ్లాస్టింగ్ చేపడ్డంతో రాళ్లు ఎగిరి ఓ స్కూల్పై పడ్డాయి. గచ్చిబౌలి పోలీసులు తెలిపిన ప్రకారం.. కొండాపూర్లో నూతనంగా నిర్మాణం చేపడుతున్న సమిశ్రీ నిర్మాణ సంస్థ సెల్లార్ తవ్వకం చేపట్టింది.
అందులో బండరాళ్లు రావడంతో మంగళవారం మధ్యాహ్నం ఎలాంటి ముందు జాగ్రత్తలు, పర్మిషన్ లేకుండానే బ్లాస్టింగ్ చేపట్టింది. దీంతో పక్కనే ఉన్న చిరాక్ ఇంటర్నేషనల్ స్కూల్ పై రాళ్లు ఎగిరిపడ్డాయి. వాటిని చూసి స్టూడెంట్స్ పరిగెత్తారు. కొందరికి స్వల్ప గాయాలయ్యాయి. ఈ ఘటనపై స్కూల్ యాజమాన్యం గచ్చిబౌలి పోలీసులకు ఫిర్యాదు చేయగా.. దర్యాప్తు చేస్తున్నారు.