హైదరాబాద్ సిటీ, వెలుగు: గ్రేటర్ పరిధిలో 15 ఏండ్లు దాటిన వాహనాలకు గ్రీన్ టాక్స్ చెల్లించి నడుపుకునే వెసులుబాటు ఉందని ఆర్టీఏ జాయింట్ కమిషనర్ రమేశ్కుమార్ ఒక ప్రకటనలో వెల్లడించారు. ఫిట్నెస్ లేని వాహనాలను స్క్రాప్ చేసే ప్రతిపాదన లేదని తెలిపారు. సెంట్రల్ మోటార్ వెహికల్ రూల్ 189 ప్రకారం ఆర్టీఏ ఆఫీసులోని టెస్టింగ్ స్టేషన్లో అన్ ఫిట్ అయిన వాహనాలకు నిర్ణీత ఫీజు చెల్లిస్తే మరోసారి టెస్టులకు అవకాశం ఉంటుందన్నారు. అన్ ఫిట్ అయిన వాహనాలను వెంటనే స్క్రాప్ చేసే ప్రతిపాదన మాత్రం లేదని స్పష్టం చేశారు.
