- డ్రైనేజీ, కలుషిత నీరు కలువకుండా చర్యలు
హైదరాబాద్, వెలుగు: ఇబ్రహీంబాగ్చెరువు క్లీనింగ్ప్రక్రియ ప్రారంభమైంది. చేపలు బతకలేని చెరువుల పేరుతో "వెలుగు" ప్రచురించిన కథనానికి జీహెచ్ఎంసీ యంత్రాంగం స్పందించింది. మణికొండ కమిషనర్అనంద్కుమార్ఆధ్వర్యంలో జీహెచ్ఎంసీ అధికారులు ఇబ్రహీంబాగ్చెరువును సందర్శించి స్థానిక పరిస్థితులను పర్యవేక్షించారు.
వెంటనే చెరువు క్లీనింగ్ పనులు చేపట్టాలని సిబ్బందిని ఆదేశించారు. చెరువులోకి డ్రైనేజీ నీరు, పరిశ్రమల కాలుష్య కారకాలు చేరకుండా చర్యలు చేపట్టాలని, చెరువులోని గుర్రపు డెక్కను వెంటనే తొలగించాలని స్పష్టం చేశారు. ఇంజనీర్లాల్సింగ్ ఆధ్వర్యంలో ఫ్లోటింగ్యంత్రం సాయంతో గుర్రపు డెక్క తొలగింపు ప్రక్రియ చేపట్టి.. క్లీనింగ్చేయడానికి ఏర్పాట్లు చేశారు. ఈ సందర్భంగా స్థానిక ప్రజా ప్రతినిధులు పెరిక సురేశ్తదితరులు జీహెచ్ఎంసీ అధికారులకు చెరువు పరిస్థితి వివరించి క్లీనింగ్ కోసం పలు సూచనలు చేశారు.
