హైదరాబాద్, వెలుగు: పారిశ్రామిక , వాణిజ్య రిఫ్రిజరేషన్ సేవలు అందించే హైదరాబాద్ కంపెనీ ఐస్ మేక్ రిఫ్రిజిరేషన్ జపాన్కు చెందిన గెలిలీ హోల్డింగ్స్తో జాయింట్ వెంచర్ను ఏర్పాటు చేస్తామని ప్రకటించింది. గెలిలీ ఐస్ మేక్లో రూ.180 కోట్ల పెట్టుబడి పెట్టనుంది. అదనంగా ఇతర సంస్థల నుంచి మరో రూ.10 కోట్లను కూడా వ్యాపార విస్తరణకు ఉపయోగించనున్నారు.
జేవీలో గెలిలీకి 60 శాతం, ఐస్ మేక్కుకు 40 శాతం వాటా ఉంటుంది. ఈ నూతన సంస్థ ద్వారా కమర్షియల్ ఫ్రిజ్లు , అత్యాధునిక కోల్డ్ చైన్ ఉత్పత్తుల తయారీ, మార్కెటింగ్ ,పంపిణీ కార్యకలాపాలు నిర్వహిస్తారు. ఉత్పత్తి సామర్థ్యాన్ని భారీగా పెంచడానికి , అత్యాధునిక టెక్నాలజీ కోసం కొంత డబ్బును వినియోగిస్తారు. కొత్త కార్పొరేట్ ఆఫీసు నిర్మాణం, ఆర్అండ్సెంటర్, ల్యాబ్స్ను కూడా నిర్మిస్తారు.
