న్యూఢిల్లీ: కొవాగ్జిన్ కరోనా టీకా ఫస్ట్ డోస్ వేసుకున్న తర్వాత వైరస్ కు వ్యతిరేకంగా ఇమ్యూనిటీ స్వల్పంగానే ఉంటుందని గురువారం ఇండియన్ కౌన్సిల్ ఆఫ్ మెడికల్ రీసెర్చ్ (ఐసీఎంఆర్) చీఫ్డాక్టర్ బలరాం భార్గవ వెల్లడించారు. సెకండ్ డోస్ తీసుకున్న తర్వాతే కొవాగ్జిన్ తో యాంటీబాడీలు బాగా ఉత్పత్తి అయి ఇమ్యూనిటీ పెరుగుతుందని ఆయన తెలిపారు. అందుకే కొవాగ్జిన్ సెకండ్ డోస్ కు 4 నుంచి 6 వారాల గ్యాప్ ను మాత్రమే నిర్ణయించారని తెలిపారు. ఫస్ట్ డోస్ తర్వాత 4 నుంచి 6 వారాల మధ్య సెకండ్ డోస్ తీసుకుంటేనే వైరస్కు వ్యతిరేకంగా యాంటీబాడీలు బాగా ఉత్పత్తి అవుతాయన్నారు. అయితే కొవిషీల్డ్ టీకాతో ఫస్ట్ డోస్ తర్వాతే వైరస్కు వ్యతిరేకంగా ఇమ్యూనిటీ బాగా పెరుగుతుందన్నారు. ఆ తర్వాత 3 నెలలకు సెకండ్ డోస్ తీసుకుంటే టీకా మరింత బాగా పని చేస్తుందన్నారు. అందుకే కొవిషీల్డ్ సెకండ్ డోస్ కు గడువును 12 నుంచి 16 వారాలకు పెంచినట్లు ఆయన వివరించారు.
