- సైగలు చేస్తూ ఫొటోలు,
- వీడియోలు తీస్తున్నాడని పోలీసులకు ఫిర్యాదు
- అబద్ధపు ఆరోపణలతో దాడి చేసిందని ప్రతిగా డీటీ కంప్లయింట్
- సంగారెడ్డి జిల్లా నారాయణఖేడ్లో ఘటన
నారాయణ్ ఖేడ్, వెలుగు : సంగారెడ్డి జిల్లా నారాయణఖేడ్ పట్టణంలో ఓ డిప్యూటీ తహసీల్దార్మహిళతో అసభ్యంగా ప్రవర్తించడంతో చెంప చెల్లుమనిపించింది. బాధితురాలి కథనం ప్రకారం...టౌన్లోని సత్యసాయి కాలనీలో సాయి ఇంట్లో ఎలక్షన్స్ డిప్యూటీ తహసీల్దార్ రాజు ఆరు నెలల నుంచి అద్దెకు ఉంటున్నాడు. ఇతడి ఫ్లాట్పక్కనే మరో ఆఫీసర్, అతడి భార్య కూడా రెంట్కు ఉంటున్నారు. సదరు ఆఫీసర్భార్యను కొంతకాలంగా రాజు వేధిస్తున్నాడు. ఆమెకు ఇష్టం లేకపోయినా మాట్లాడానికి ప్రయత్నం చేస్తున్నాడు. లైంగికపరమైన సైగలు చేస్తూ, ఫోన్లో ఫొటోలు, వీడియోలు తీస్తున్నాడు. బుధవారం రాత్రి కూడా ఫొటోలు తీయగా ఆమె వెళ్లి తన ఫొటోలు ఎందుకు తీశావని, ఫోన్ చూపించమని అడిగింది.
దీంతో తాను ఫొటోలు తీయలేదని, తన గ్యాలరీ బ్లాక్అయ్యిందని సమాధానమిచ్చాడు. దీంతో ఆగ్రహించిన ఆమె డిప్యూటీ తహసీల్దార్చెంపపై కొట్టింది. తర్వాత పోలీసులకు ఫిర్యాదు చేసింది. రాజు కూడా సదరు మహిళపై పోలీసులకు కంప్లయింట్ఇచ్చాడు. గతంలో తన ఫ్లాట్లో రూ.50 వేలు పోతే సదరు మహిళతో పాటు ఆమె భర్తను అడిగానని, ఆ ఘటనలో అప్పట్లోనే ఇద్దరూ తనపై దాడి చేశారని అందులో పేర్కొన్నాడు. పాత విషయాన్ని మనసులో పెట్టుకుని అబద్దపు ఆరోపణలు చేయడమే కాకుండా చేయి చేసుకున్నారని వాపోయాడు. బాధితురాలి ఫిర్యాదు మేరకు పోలీసులు కేసులు నమోదు చేసుకుని దర్యాప్తు చేస్తున్నారు.
