ఇల్లెందు, వెలుగు: ఎలాంటి అవగాహన లేని డాక్టర్భార్య ట్రీట్మెంట్ చేయడంతో మహిళ మృతి చెందిందని ఇల్లెందు మండలం కోమరారంలో కొందరు ఆందోళనకు దిగారు. బాధితులు తెలిపిన వివరాల ప్రకారం.. ఇల్లెందు మండలం పోలారవ అనుబంధ గ్రామమైన భద్రుతండాకు చెందిన భూక్య కైక(45) రెండు రోజుల నుంచి తీవ్ర జ్వరంతో బాధపడుతోంది. కుటుంబ సభ్యులు ట్రీట్మెంట్కోసం శనివారం మధ్యాహ్నం కోమరారంలోని ఓ ప్రైవేట్ క్లినిక్కు తీసుకెళ్లారు. డాక్టర్అందుబాటులో లేకపోవడంతో అతని భార్య ట్రీట్ మెంట్చేసింది. అయితే కైక ఆదివారం చనిపోయింది.
ఎంబీబీఎస్డాక్టర్అన్న నమ్మకంతో క్లినిక్కు తీసుకెళ్తే, అతని భార్య ఎలాంటి అవగాహన లేకుండా కైకకు ఇంజక్షన్ వేసిందని కుటుంబ సభ్యులు తెలిపారు. ఇంజక్షన్వికటించడంతోనే చనిపోయిందని ఆరోపించారు. కోమరారంలోని క్లినిక్ముందు ఆందోళనకు దిగారు. డాక్టర్భార్యను పోలీసులు ఇల్లెందు పోలీస్స్టేషన్కు తరలించినట్లు తెలిసింది.
