54 డ్రగ్స్ రిటైల్ రేట్లను సవరించిన ఎన్పీపీఏ
న్యూఢిల్లీ: షుగర్, గుండె జబ్బులు, హైపర్ టెన్షన్, బ్యాక్టీరియల్ ఇన్ఫెక్షన్స్కు వాడే మందులు సహా మల్టీ విటమిన్ మెడిసిన్స్ ధరలను కేంద్రం పెంచింది. 54 డ్రగ్ ఫార్ములేషన్స్, 8 స్పెషల్ ప్రొడక్టుల ధరలను సవరిస్తూ నేషనల్ ఫార్మాసూటికల్ ప్రైసింగ్ అథారిటీ(ఎన్పీపీఏ) నిర్ణయం తీసుకుంది. మెట్ ఫార్మిన్, లినాగ్లిప్టిన్, సినాగ్లిప్టిన్ లాంటి షుగర్ మందుల ధరను ఒక్కో ట్యాబ్లెట్కు రూ.15 నుంచి రూ.20గా ఫిక్స్ చేసింది. సిప్రోఫ్లోక్సాసిన్ ఇంజక్షన్ ధరను మిల్లీలీటర్కు 23 పైసలుగా నిర్ధారించింది. హైపర్ టెన్షన్కు వినియోగించే టెల్మిసార్టన్, క్లోర్తాలిడోన్, సిల్నిడిపైన్ మందుల ధరను ట్యాబ్లెట్కు రూ.7.14 గా ఫిక్స్ చేసింది. ఆస్పిరిన్, అటోర్వాస్టాటిన్ మెడిసిన్స్ ధరను ఒక్కో ట్యాబ్లెట్కు రూ.2.68గా సవరించింది. కాల్షియం, విటమిన్ డీ3 ధరను ఒక్కో ట్యాబ్లెట్కు రూ.7.82గా నిర్ధారించింది. గ్లూకోజ్ బాటిల్ ధరను మిల్లీలీటర్కు 24 పైసలుగా ఫిక్స్ చేసింది.
