IND-W vs ZIM-W: వడోదరలోని బీసీఏ స్టేడియం (కోటంబి) వేదికగా భారత్ వర్సెస్ జింబాబ్వే మహిళల జట్ల మధ్య జరుగుతున్న తొలి వన్డే మ్యాచ్‌లో జింబాబ్వే మహిళల జట్టు టాస్ గెలిచి ఫస్ట్ బ్యాటింగ్ తీసుకుంది. రెగ్యులర్ కెప్టెన్ జోసెఫిన్ నికోమో గాయం కారణంగా దూరం కావడంతో నొమ్వెలో సిబండా (Nomvelo Sibanda) జింబాబ్వేకు సారథ్యం వహిస్తున్నారు. మరోవైపు, భారత జట్టుకు పూర్తిస్థాయి వన్డే కెప్టెన్‌గా స్మృతి మంధాన (Smriti Mandhana) బాధ్యతలు చేపట్టిన తర్వాత ఆడుతున్న తొలి మ్యాచ్ ఇది.
జింబాబ్వే స్టాండ్-ఇన్ కెప్టెన్ సిబండా మాట్లాడుతూ.. స్కోరు బోర్డు ఒత్తిడి లేకుండా బోర్డుపై మంచి పరుగులు పెట్టి, మా బ్యాటర్లపై నమ్మకం ఉంది, ఇక కెప్టెన్ నికోమోకు చిన్న గాయం ఉండటం వల్ల ఈ మార్పు చేయాల్సి వచ్చిందని వెల్లడించారు.
భారత కెప్టెన్ స్మృతి మంధాన మాట్లాడుతూ.. ఈ మ్యాచ్ ద్వారా యంగ్ ఆల్‌రౌండర్ జింటిమణి కలిత (Jintimani Kalita) టీమిండియా వన్డే తుది జట్టులోకి అరంగేట్రం చేస్తుంది. జింటిమణికి ఇది గొప్ప మైలురాయి.. టీ20 నెట్స్, ఇండియా-ఎ సిరీస్‌లలో ఆమె అద్భుతంగా రాణించింది. టీ20 మ్యాచ్‌లు పూర్తి చేసుకున్న తర్వాత 50 ఓవర్ల ఫార్మాట్‌కు అలవాటు పడేందుకు నిన్నటి ప్రాక్టీస్ సెషన్ దోహదపడింది. ఈ (ఎర్రమట్టి) పిచ్‌పై మేము ఛేజింగ్ చేయడానికి సిద్ధంగా ఉన్నామని తెలిపింది.
టీ20 సిరీస్‌ను 3-0తో క్లీన్ స్వీప్ చేసిన భారత్, వన్డే సిరీస్‌లోనూ అదే విజయపరంపరను కొనసాగించాలని భావిస్తోంది!
ALSO READ : వైభవ్‌కు ఛాన్స్ ఇవ్వాలని నెట్టింట డిస్కషన్.. సంజు, అభిషేక్పై బ్యాటింగ్ కోచ్ కామెంట్స్ వైరల్!
ప్లేయింగ్ ఎలెవన్ (Playing XI):
భారత మహిళల జట్టు: స్మృతి మంధాన (కెప్టెన్), షఫాలీ వర్మ, ప్రతీక రావల్, హర్మన్‌ప్రీత్ కౌర్, తేజల్ హసబ్నిస్, దీప్తి శర్మ, రిచా ఘోష్ (వికెట్ కీపర్), శ్రీ చరణి, క్రాంతి గౌడ్, సాయలీ సత్ఘరే, జింటిమణి కలిత.
జింబాబ్వే మహిళల జట్టు: బిలవ్డ్ బిజా, షార్నీ మైయర్స్, నియాషా గ్వాన్జురా, మోడెస్టర్ ముపాచిక్వా (వికెట్ కీపర్), చీడ్జా ధురూరు, చిపో ముగేరి-తిరిపానో, మిచెల్ మావుంగా, నొమ్వెలో సిబండా (కెప్టెన్), తెండాయ్ మకుషా, లోరిన్ ఫిరి, ఒలిండర్ చారే.
🚨 Toss 🚨 Zimbabwe have won the toss and elected to bat in the 1️⃣st ODI. Updates ▶️ https://t.co/rohw1JYI7e #TeamIndia | #INDvZIM | @mflone_ https://t.co/CG6FrGU8ih
— BCCI Women (@BCCIWomen) October 23, 2026
We have a debutant in the 1️⃣st ODI 👏 A look at #TeamIndia's Playing XI as Jintimani Kalita is set for her international debut 🙌 Updates ▶️ https://t.co/rohw1JYI7e #INDvZIM | @mflone_ https://t.co/X52y3q6v53
— BCCI Women (@BCCIWomen) October 23, 2026
