- ఆ ఇద్దరూ నాకు మంచి దోస్తులు
- టారిఫ్ల వివాదం త్వరలో ముగుస్తది
- ఇజ్రాయెల్ ప్రధాని నెతన్యాహు కామెంట్
జెరూసలేం: తనకు భారత ప్రధాని నరేంద్ర మోదీ, అమెరికా అధ్యక్షుడు డొనాల్డ్ ట్రంప్ మంచి దోస్తులని.. వారిద్దరి మధ్య జరుగుతున్న టారిఫ్ల వివాదానికి త్వరలోనే తెరపడుతుందని ఇజ్రాయెల్ ప్రధాని బెంజమిన్ నెతన్యాహూ అన్నారు. వాణిజ్యం విషయంలో ట్రంప్తో మధ్యవర్తిత్వం ఎలా వ్యవహరించాలో, డీల్ ఎలా కుదుర్చుకోవాలో మోదీకి తాను కొన్ని సలహాలు ఇవ్వదలచుకున్నానని చెప్పారు.
భారత్, అమెరికా మధ్య బలమైన బంధం ఉందని.. టారిఫ్ల వివాదంతో దానికి ఎలాంటి సమస్య రాదని ఆయన అన్నారు. గురువారం ఇజ్రాయెల్లోని జెరూసలేంలో భారత రాయబారి జేపీ సింగ్తో నెతన్యాహూ భేటీ అయ్యారు. ఇజ్రాయెల్, భారత్ సంబంధాలపై చర్చించారు.
అనంతరం మీడియాతో నెతన్యాహూ మాట్లాడారు. ‘‘ఇండియా, అమెరికా బంధం స్ట్రాంగ్గా ఉంది. ఇరు దేశాల ప్రయోజనాలకు తగ్గట్టు టారిఫ్ల సమస్యను పరిష్కరించుకోవాలని కోరుకుంటున్న. ట్రంప్తో ఎలా డీల్ చేయాలో మోదీకి నేను అడ్వయిజ్ ఇస్త. కాకపోతే అది పర్సనల్గా మాత్రమే చెప్త” అని ఆయన చెప్పారు.
భారత్, అమెరికా మధ్య టారిఫ్ సమస్య ముగిస్తే అది ఆ ఇరు దేశాలకు మిత్ర దేశమైన తమ ఇజ్రాయెల్కు కూడా మంచి పరిణామం అవుతుందని ఆయన పేర్కొన్నారు. భారత్ అంటే తనకు ఇష్టమని, అక్కడ పర్యటించాలని ఉందని నెతన్యాహూ అన్నారు. త్వరలోనే ఇండియాను విజిట్ చేస్తానని చెప్పారు.
