- ఫిన్టెక్లోనూ దూసుకెళ్తున్నం...
- యూనికార్న్స్లో మనది మూడో ప్లేస్
- మొదటి రెండు ప్లేస్లలో యూఎస్, యూకే
వెలుగు బిజినెస్ డెస్క్: ఫైనాన్షియల్ టెక్నాలజీ (ఫిన్టెక్) యూనికార్న్ల ర్యాంకింగ్లో ఇండియా మూడో ప్లేస్లో నిలుస్తోంది. మొదటి రెండు ప్లేస్లలో యూఎస్, యూకేలు ఉన్నాయని గ్లోబల్ రీసెర్చ్ సంస్థ స్టాటిస్టా వెల్లడించింది. యూఎస్లో 134 యూనికార్న్ ఫిన్టెక్ కంపెనీలుండగా, యూకేలో 27 ఉన్నాయి. ఈ ఏడాది ఇప్పటిదాకా 17 ఫిన్టెక్ యూనికార్న్ కంపెనీలతో ఇండియా మూడో ప్లేస్లో నిలుస్తోంది. మార్కెట్ విలువ పరంగా చూస్తే అతి పెద్ద ఫిన్టెక్ కంపెనీలు అమెరికాలోనే ఎక్కువగా ఉన్నట్లు స్టాటిస్టా తెలిపింది.
వీసా, పేపాల్, మాస్టర్కార్డ్ వంటి టాప్ ఫిన్టెక్ కంపెనీలన్నీ అమెరికాలోనివే. గ్లోబల్గా 15 హయ్యస్ట్ వాల్యూడ్ పిన్టెక్ కంపెనీలుంటే ఇందులో 8 అమెరికా కంపెనీలే. ఈ 8 యూనికార్న్ కంపెనీల మొత్తం మార్కెట్ వాల్యూ 1.2 ట్రిలియన్ డాలర్లు. మార్కెట్ వాల్యూ జాబితాలో చైనా రెండో ప్లేస్లో నిలుస్తోంది. ఈ దేశంలో 8 ఫిన్టెక్ యూనికార్న్ కంపెనీలే ఉన్నాయి. టెన్సెంట్, యాంట్ ఫైనాన్షియల్ వంటి పెద్ద కంపెనీల వల్ల ఆ దేశంలోని ఫిన్టెక్ కంపెనీల మార్కెట్ వాల్యూ 338.92 బిలియన్ డాలర్లకు చేరినట్లు స్టాటిస్టా డేటా వెల్లడిస్తోంది.
సిలికాన్ వ్యాలీలోనే ఎక్కువ....
ప్రపంచంలోనే పెద్ద టెక్నాలజీ కంపెనీలకు వేదికగా నిలిచిన సిలికాన్ వ్యాలీలోనే ఎక్కువ ఫిన్టెక్ కంపెనీలు కూడా ఉన్నాయి. మెటా, యాపిల్, గుగుల్, అమెజాన్ వంటి దిగ్గజ టెక్ కంపెనీలతోపాటు, సెకోవియా క్యాపిటల్, యాండ్రీసీన్ హోరోవిట్జ్ వంటి వెంచర్ కంపెనీలు కూడా సిలికాన్వ్యాలీకి చెందినవే కావడం విశేషం.
ఇండియాలో జెరోధా, బిల్డెస్క్, పేటీఎం, రేజర్పే, పైన్ల్యాబ్స్ వంటి ఫిన్టెక్ కంపెనీలు లాభాలు గడిస్తున్నాయి.
పేటీఎం 2023–24 క్యూ2 లో రూ. 2,519 కోట్ల రెవెన్యూ సాధించింది. ఈ రెవెన్యూ అంతకు ముందు ఏడాదిలోని రూ. 1,914 కోట్లతో పోలిస్తే 32 శాతం ఎక్కువ. పేటీఎంకు రెండో క్వార్టర్లో రూ. 292 కోట్ల నికర నష్టం వచ్చింది. తాజా క్యూ2లో కంపెనీ నష్టాలు బాగా తగ్గాయి.
యూకేలోని యూనికార్న్ ఫిన్టెక్ కంపెనీల జాబితాలో, ఆన్లైన్ బ్యాంకింగ్ స్టార్టప్ రెవోలట్(33 బిలియన్ డాలర్లు), క్రిప్టో వ్యాలెట్ ప్రొవైడర్ బ్లాక్చెయిన్.కామ్ (14 బిలియన్ డాలర్లు), డిజిటల్ పేమెంట్స్ గ్రూప్స్ చెక్అవుట్.కామ్ (11 బిలియన్ డాలర్లు) ర్యాపిడ్ (8.75 బిలియన్ డాలర్లు), సమప్ (8.5 బిలియన్ డాలర్లు) ఉన్నాయని స్టాటిస్టా తెలిపింది.
యూకేలోని మోన్జో, స్టార్లింగ్ వంటి స్టార్టప్స్ బ్యాంకింగ్ రంగంలో డిజిటల్ ఓన్లీ ఆఫరింగ్స్ను అందిస్తున్నాయి. మరోవైపు చైనాలోని అలీబాబా, టెన్సెంట్లు తమ సొంత మొబైల్వ్యాలెట్లు అలీపే, వియ్చాట్పేలను తెచ్చాయి.