కార్గిల్ యోధుడు.. పరమ వీర్ చక్ర గ్రహీత సుబేదార్ మేజర్ సంజయ్ కుమార్ ను ఇండిగో స్టాఫ్ అరుదైన ఆతిథ్యం ఇచ్చారు. మేజర్ విమానంలో పూణేకు వెళ్తుండగా.. ఎయిర్‌లైన్ సిబ్బంది ఆయనను విమానంలోకి అత్యంత గౌరవప్రదంగా ఆహ్వానించారు. అంతేకాదు ఓ గిఫ్ట్ కూడా ఇచ్చారు. కార్గిల్ హీరోతో కలిసి మనం ప్రయాణిస్తున్నామని పైలట్ గర్వంగా ఎనౌన్స్ చేశాడు. మేజర్ సంజయ్ కుమార్ ను ఇండిగో స్టాఫ్ ప్రత్యేక గిఫ్ట్ బహుకరించారు.
ALSO READ:మణిపూర్‌ ఘటనపై మేం చర్చకు సిద్ధం.. కానీ ప్రతిపక్షాలు ఎందుకు సహకరించడం లేదు
1999లో పాకిస్తాన్ తో జరిగిన కార్గిల్ యుద్ధంలో వీరోచితంగా పోరాడి పరాక్రమాలను ప్రదర్శించినందుకు భారత ప్రభుత్వం అత్యున్నత సైనిక పురస్కారం పరమవీర చక్రతో గౌరవించింది. ఆ యుద్ధ సమయంలో శౌర్య పరాక్రమాలు ప్రదర్శించి పరమవీర చక్ర పొందిన 21 మందిలో కార్గిల్ వీరుల్లో సంజయ్ కుమార్ ఒకరు. గౌరవ కెప్టెన్ బానా సింగ్, సుబేదార్ మేజర్ యోగేంద్ర సింగ్ యాదవ్‌తో సహా ఈ అవార్డును అందుకున్న ముగ్గురు సజీవ గ్రహీతలలో సంజయ్ కుమార్ ఉన్నారు. ఈ యుద్దంలో పాకిస్తాన్ పై భారత్ విజయం సాధించింది. దీనికి గుర్తుగా కార్గిల్ విజయ్ దివస్ కూడా జరుపుకుంటున్నాం.
