హాలియా, వెలుగు : శ్రీశైలం ప్రాజెక్ట్‌ నుంచి నాగార్జునసాగర్‌‌కు ఇన్‌‌ఫ్లో కొనసాగుతోంది. ఎగువ నుంచి 3,28,996 క్యూసెక్కుల నీరు వస్తుండడంతో సాగర్‌ వద్ద 26 గేట్లను ఎత్తి 2,78,554 క్యూసెక్కుల నీటిని దిగువకు విడుదల చేస్తున్నారు. నాగార్జునసాగర్‌ పూర్తిస్థాయి నీటి మట్టం 590 అడుగులు (312.0450 టీఎంసీలు) కాగా, ప్రస్తుతం 586.10 అడుగుల(300.8385 టీఎంసీ) నీరు నిల్వ ఉంది.
ఎడమకాల్వకు 5,226 క్యూసెక్కులు, కుడి కాల్వకు 9,500, హైదరాబాద్‌ జంట నగరాల తాగునీటి అవసరాల కోసం ఏఎమ్మార్పీకి 2,400, వరద కాల్వకు 300, విద్యుత్‌ ఉత్పత్తికి 33,616 క్యూసెక్కుల నీటిని విడుదల చేస్తున్నారు.
