బషీర్బాగ్, వెలుగు: ఇన్సూరెన్స్ ఫ్రాడ్ కేసులో ఇద్దరు సైబర్ చీటర్స్ అరెస్టయ్యారు. హైదరాబాద్సైబర్ క్రైం డీసీపీ కవిత తెలిపిన వివరాల ప్రకారం.. నగరానికి చెందిన 58 ఏళ్ల వ్యక్తికి స్కామర్స్ ఫోన్ చేసి ఇన్సూరెన్స్ కంపెనీ ఐజీఎంఎస్ విభాగం ప్రతినిధులుగా పరిచయం చేసుకున్నారు.
ఎస్బీఐ క్రెడిట్ కార్డు నుంచి రూ.4.02 లక్షలు బదిలీ చేయించుకున్నారు. తర్వాత స్పందించలేదు. పోలీసులు దర్యాప్తులో నిందితులను యూపీలోని ఘజియాబాద్ కు చెందిన దేవాష్ రిస్తోగి, జితేందర్ అగర్వాల్ గా గుర్తించారు. గురువారం వారి వద్ద నుంచి 4 ఫోన్లు, 3 చెక్ బుక్స్ స్వాధీనం చేసుకొని, ఇద్దరినీ అరెస్ట్చేసినట్లు డీసీపీ పేర్కొన్నారు.
ట్రేడింగ్ ఇన్వెస్ట్మెంట్ ఫ్రాడ్ కేసులో ఒకరు..
ట్రేడింగ్ ఇన్వెస్ట్మెంట్ ఫ్రాడ్ కేసులో సైబర్ చీటర్ ను హైదరాబాద్ సైబర్ క్రైం పోలీసులు అరెస్ట్ చేశారు. నగరానికి చెందిన ఓ వృద్ధుడిని స్కామర్స్ఫేస్ బుక్ ద్వారా సంప్రదించాడు. ఆన్లైన్ ట్రేడింగ్ లో ఇన్వెస్ట్చేస్తే అధిక లాభాలు వస్తాయని నమ్మించి రూ.2.02 కోట్ల వరకు పెట్టుబడి పెట్టించి మోసం చేశారు.
సైబర్ క్రైం పోలీసులకు ఫిర్యాదు చేయగా కేసు నమోదు చేసి దర్యాప్తు చేపట్టారు. జులై 2న ఈ కేసులో ఏ1 విరాధ్య, 4న ఏ2 బుల్లాన్ కరపాటు, ఏ3 రోహన్, 8న ఏ4 ఖురేషి షఫీనీ భాయ్, ఏ5 కిషన్ కనుభాయ్ , ఏ6 మనీష్ భారత్భాయ్ ని అరెస్ట్చేసి రిమాండ్ కు తరలించారు.
ఏ7 హరియాణాకు చెందిన వినీత్ చద్దాను గురువారం అరెస్ట్ చేశారు. ఈయనపై దేశవ్యాప్తంగా 12 సైబర్ ఫ్రాడ్ కేసులు నమోదైనట్లు డీసీపీ తెలిపారు. అతని వద్ద నుంచి 6 మొబైల్స్, లాప్ టాప్, చెక్ బుక్ స్వాధీనం చేసుకున్నట్లు పేర్కొన్నారు.
