- ఫైన్‌‌‌‌తో వచ్చే నెల 3 వరకు ఫీజు కట్టేందుకు అవకాశం
హైదరాబాద్, వెలుగు: రాష్ట్రంలో ఇంటర్మీడియెట్ ఎగ్జామ్ ఫీజు చెల్లింపు గడువును బోర్డు పొడిగించింది. రూ.2,500 ఫైన్‌‌‌‌తో ఈ నెల 30 నుంచి జనవరి 3 వరకు ఫీజు చెల్లించవచ్చని బోర్డు సెక్రటరీ శృతి ఓజా శుక్రవారం ఒక ప్రకటనలో తెలిపారు. ఇప్పటివరకు ఇంటర్ ఎగ్జామ్ రాసేందుకు 9,77,040 మంది స్టూడెంట్లు ఫీజు చెల్లించారు. ఈ ఏడాది ఇంటర్‌‌‌‌‌‌‌‌లో మొత్తం 10,59,233 మంది అడ్మిషన్ తీసుకోగా, 92.24 శాతం మంది ఫీజు కట్టారు.
ప్రాక్టికల్ డేట్లు మార్చుకోవచ్చు: సీఓఈ
ఫిబ్రవరి 1న జేఈఈ ఎగ్జామ్ చివరి రోజు ఉండగా, అదే రోజు ఇంటర్ ప్రాక్టికల్స్ ప్రారంభం అవుతున్నాయి. ఈ సమయంలో ఇంకా ఏదైనా ఎగ్జామ్ ఉన్నా.. ఆయా తేదీల్లో ప్రాక్టికల్స్ ఉన్న స్టూడెంట్లు వేరే బ్యాచ్‌‌‌‌కు మార్చుకునే అవకాశం కల్పిస్తున్నామని ఇంటర్ బోర్డు సీవోఈ జయప్రద తెలిపారు. విద్యార్థులు ఎలాంటి ఆందోళన చెందాల్సిన అవసరం లేదని ఆమె అన్నారు. ఆధారాలతో కాలేజీ ప్రిన్సిపల్‌‌‌‌ను లేదా ఇంటర్మీడియెట్ ఆఫీసర్లను సంప్రదించాలని సూచించారు.
