కొన్ని అలవాట్లు జీవన శైలిని ఆరోగ్యవంతంగా చేస్తాయి. వాటిల్లో కొన్నింటి ద్వారా ఫిజికల్ ఫిట్నెస్ సాధించవచ్చు. అలాంటి యాక్టివిటీస్ లో ...ది బెస్ట్ ఎక్సర్సైజ్ గా యోగాకి పేరుంది. శారీరక ఆరోగ్యం మాత్రమే కాదు... మానసిక ఆరోగ్యం కూడా అందిస్తుంది. ఆ గొప్పతనమే దానికొక ప్రత్యేక స్థానం కట్టబెట్టింది.. జూన్ 21న అంతర్జాతీయ యోగా దినోత్సవం సందర్భంగా ప్రత్యేక కథనం...
ప్రపంచవ్యాప్తంగా అందరి ఆదరణ దక్కేలా చేసింది. అందుకే యోగాని అలవాటుగా చేసుకుంటే లైఫ్ మరింత హెల్దీగా, హ్యాపీగా ఉంటుంది. యోగాకు 5వేల సంవత్సరాల చరిత్ర ఉంది. ఇది కేవలం ఫిజికల్ ఫిట్నెస్ పై మాత్రమే ప్రభావం చూపించదు. ఇంటర్నల్. బాడీ (శరీరం లోపల) పనితీరుపై కూడా ఎఫెక్ట్ చూపిస్తుంది. ఇమ్యూనిటీ పవర్ ను పెంచడంతో పాటు రక్తప్రసరణ సజావుగా సాగేలా చూస్తుంది. తద్వారా నరాల లోపల ఏదైనా అడ్డుపడితే తొలగిపోయి... గుండె ఆరోగ్యంగా పని చేస్తుంది.
ప్రశాంతత: యోగా వలన ప్రశాంతత ఏర్పడుతుంది. శరీరానికి, మెదడుకు మధ్య ఉన్న బందాన్ని దృఢంగా ఉంచడానికి యోగా ఎంతగానో ఉపయోగపడుతుంది. క్రమం తప్పకుండా యోగా చేయడం వల్ల ఒత్తిడి, ఆందోళన దూరం అవుతాయని స్టడీ ద్వారా రుజువైంది కూడా. .. యోగా వల్ల ప్రైమరీ స్ట్రెస్ హార్మోన్ పై ప్రభావం పడుతుందని.. తద్వారా మానసిక ఆరోగ్యం మెరుగుపడుతుందని తేలింది. ప్రశాంతమైన జీవన శైలి కోరుకునేవాళ్లకు యోగా ఆసరాగా నిలుస్తోందని చెబుతున్నారు సైంటిస్టులు.
రోగ నిరోధక శక్తి : యోగాలోని కొన్ని రకాల ఎక్సర్ సైజులు, ఆసనాలు చేయడం వల్ల హార్మోన్ల ఉత్పత్తి నియంత్రణలో ఉంటుంది. శరీరంలో లింఫ్ నోడ్స్ (శోషనస నాళాలు) నుంచి స్రావాలు ఎక్కువగా విడుదలవుతాయి. దీంతో రోగనిరోధక కణాలు (ఇమ్యూనిటీ సెల్స్) ఎక్కువ సంఖ్యలో ఉంటాయి. అవి ఇన్ ఫెక్షన్లు, జబ్బుల బారిన పడకుండా శరీరాన్ని కాపాడతాయి. ఈ రకంగా యోగా ఆరోగ్యవంతమైన శరీరాన్ని అందిస్తుంది.
ఎముకల ఆరోగ్యం :వయసు పైబడిన వాళ్ల ఎముకల్లో క్యాల్షియం తగ్గి కీళ్ల వ్యాధులు.. నాడీకణాలు బలహీనం అయ్యి మతి మరుపు సమస్యలు వస్తుంటాయి. యోగా వల్ల కండరాలు ఎముకలు గట్టి పడతాయి. దాంతో ఎముకలు విరగడం, ఇతర సమస్యలు రావు. మెదడు సామర్థ్యం పెరుగుతుంది. మతిమరుపు సమస్యకు దూరంగా ఉండొచ్చు..
బీపీ తగ్గుతుంది: శ్వాస సంబంధిత వ్యాధుల్ని యోగా తగ్గిస్తుంది. బ్లడ్ ప్రెషర్ (బీపీ)ని నియంత్రిస్తుంది. రెగ్యులర్ గా యోగా చేయడం ద్వారా శరీరం మొత్తం రక్తప్రసరణ బాగా జరుగుతుంది. ఆక్సిజన్తో కూడిన రక్తం శరీరంలో అన్ని అవయవాలకు అందుతుంది. దాంతో రక్తపోటు సమస్య తీరుతుంది. ఒత్తిడి వల్ల కలిగే రక్తపోటుని కూడా తగ్గిస్తుంది. యోగా, శ్వాస వ్యవస్థ సజావుగా సాగడానికి తోడ్పడుతుంది.
బరువు తగ్గుతారు: తిన్న తిండి సరిగ్గా అరగాలి. అందుకు జీర్ణక్రియకు సంబంధించిన హార్మోన్ల ఉత్పత్తి కావాలి. యోగా హార్మోన్లను ఉత్పత్తి చేయడంలో సాయపడుతుంది. అంతేకాదు పేగులపై ఒత్తిడి పెరిగి జీర్ణక్రియ వ్యవస్థను సజావుగా జరిగేలా చేస్తుంది. దానివల్ల మలబద్ధకం సమస్య తీరుతుంది. ఎక్కువ ఒత్తిడిలో ఉన్నప్పుడు లేదా ఖాళీ సమయాల్లో ఎక్కువగా ఆకలి -వేస్తుంటుంది. అలాంటప్పుడు మామూలు స్థితికి తీసుకురావడానికి సాయపడుతుంది యోగా.. అంతేకాదు అధిక బరువు సమస్య తీర్చి అథ్లెటిక్ బాడీని అందిస్తుంది.
మల్టిపుల్ స్కైరోసిస్ (ఎంఎస్) డిసీజ్ ... రక్తప్రసరణ సజావుగా సాగకపోవడం వల్ల కలిగే వ్యాధి బ్రెయిన్, వెన్నెముక, కళ్లు ఇలా అవయవాలన్నింటిపై ఒకేసారి ప్రతికూల ప్రభావం చూపిస్తుంది. చేతులు, కాళ్లు తిమ్మిరిగా ఉండటం.. అలసట.. బాడీ బ్యాలెన్స్ తప్పడం వంటి సమస్యలు ఎదురవుతాయి. అయితే యోగాతో ఈ సమస్యను కొంతవరకు నివారించుకోవచ్చు.
హార్మోన్ బ్యాలెన్సింగ్ లో యోగా ముఖ్యపాత్ర పోషిస్తుంది. క్లోమ గ్రంథులను యాక్టివ్ చేసి, ఇన్సులిన్ ఉత్పత్తి సరిగా జరిగేలా చేస్తుంది. ఇస్సులిన్ స్థాయి అదులో ఉంచుతుంది.
నిద్రలేమిని తరిమికొడుతుంది ... మనం ఎక్కు నిద్రపోయే విధానాలపై యోగ సానుకూల ప్రభావం చూపిస్తుంది. వారానికి రెండు సార్లు యోగ చేసిన కూడా, అది మన మెదడుకి ఎంతో స్వాంతనను చేకూరుస్తుంది మరియు ఒత్తిడిలన్నింటిని దూరం చేస్తుంది.
జీవక్రియను పెంచడం: మనం తీసుకొనే ఆహారం సరైన పద్దతిలో జీర్ణం అవ్వాలి. సరిగ్గా జీర్ణం అవ్వకపోతే, పొట్టకు సంబంధించిన సమస్యలెన్నో తలెత్తుతాయి మరియు బరువు కూడా పెరిగిపోతాము. మన పొట్ట ఎన్నో రకాల జీర్ణ క్రియకు సంబంధించిన ద్రవాలను ఉత్పత్తి చేయించడంలో యోగ ఎంతగానో సహాయపడుతుంది మరియు ఆహారం సరైన పద్దతిలో జీర్ణం అవ్వడానికి కూడా యోగ ఉపయోగపడుతుంది.
యోగా వల్ల జ్ఞాపకశక్తి, ఏకాగ్రత మెరుగుపడుతుంది. ప్రాణాయామం చేయడం వల్ల శరీరానికి మేలు కలుగుతుంది. ఇంకా మెరిసే చర్మానికి యోగా చాలా మంచిది. యోగా చేయడం వల్ల చర్మాన్ని కాపాడుకోవచ్చు. యోగా చేయడం వల్ల మెరిసే, ముడతలు లేని, మొటిమలు లేని చర్మం మీ సొంతమవుతుంది.
