ఏ జాబ్కెళ్లినా ఎక్స్పీరియన్స్ ఉందా అని అడుగుతారు? కెరీర్ ప్రారంభంలో అందరూ ఎదుర్కొనే సమస్యే ఇది. మొదట ఎవరైనా జాబ్ ఇస్తే కదా అనుభవం వస్తుంది. మరి జాబుల్లేకుండానే ఉద్యోగానికి కావాల్సిన స్కిల్స్‌ పొందడానికి వీల్లేదా అంటే ఖచ్చితంగా ఉంది. అదే ఇంటర్న్షిప్. ఉద్యోగానికి అవసరమైన నైపుణ్యాలు ముందుగానే సాధించేందుకు వీలు కల్పించడమే కాక, కెరీర్ రేస్‌‌‌‌లో మైలేజీ ఇచ్చే ఇంటర్న్షిప్ గురించి తెలుసుకుందామా మరి.
పొటెన్షియాలిటీ కలిగిన విద్యార్థులకు లైవ్ ఎన్విరాన్‌‌‌‌మెంట్లో పనిచేసేందుకు కంపెనీలు ఆఫర్ చేసే షార్ట్‌ టెర్మ్ ఎంప్లాయ్‌‌‌‌మెంట్ లేదా వర్క్ ఆపర్చునిటీనే ఇంటర్న్షిప్. ఎర్న్ వైల్ లెర్న్‌ అనే కాన్సెప్ట్‌‌‌‌తో డొమైన్ నాలెడ్జ్‌, ఎక్స్పీరియన్స్ గెయిన్ చేయడానికి ఉపయోగపడుతున్న ఇంటర్న్షిప్స్ కెరీర్ ఎంట్రీకి గేట్‌‌‌‌వే లాంటివి. ఇంటర్న్షిప్ చేసే అభ్యర్థులను ఇంటర్న్స్‌ అంటారు. సాధారణంగా వీటి డ్యురేషన్ ఒక వారం మొదలుకొని సంవత్సరం వరకు ఉంటుంది. ఈ కాలంలో చాలా కంపెనీలు స్టైపెండ్ చెలిస్తుండగా మరికొన్ని స్వచ్ఛందంగా చేసే ఇంటర్న్షిప్స్. అనంతరం సర్టిఫికెట్ లభిస్తుంది. ఇది మీ రెజ్యూమ్లో అదనపు క్వాలిఫికేషన్. ఒక సర్వే అంచనా ప్రకారం కనీసం 30 శాతం మంది ఇంటర్న్స్‌‌‌‌ను కంపెనీలు తిరిగి రిక్రూట్ చేసుకుంటున్నాయి.
షార్ట్‌ టెర్మ్
కింది స్థాయిలో డేటా ఎంట్రీ, ఫోటోకాపీయింగ్, ఫైలింగ్, ఆఫీస్ ఆటోమేషన్, సపోర్టింగ్ ప్రాజెక్ట్స్‌, సార్టింగ్ డాక్యుమెంట్స్‌, షెడ్యూలింగ్ అపాయింట్‌‌‌‌మెంట్స్‌ తదితర పనులు చేయడానికి కంపెనీలు షార్ట్టెర్మ్ ఇంటర్న్షిప్స్ ఆఫర్ చేస్తుంటాయి. ఇవి కొన్ని వారాల నుండి నెలల వరకు ఉంటాయి. ప్రస్తుతం చదువు కొనసాగిస్తున్న వారికి షార్ట్టెర్మ్ ఇంటర్న్షిప్స్ బెస్ట్ ఆప్షన్. ప్రాజెక్ట్ ఎవిడెన్స్‌ స్కిల్స్‌, క్లైంట్ రిలేషన్‌‌‌‌షిప్, ప్రాబ్లం సాల్వింగ్, నెట్‌‌‌‌వర్క్ అండ్ కాంటాక్ట్స్‌ డెవలప్‌‌‌‌మెంట్ వంటి ప్రయోజనాలు ఉంటాయి. తక్కువ టైంలో ఎక్కువ నేర్చుకునేందుకు వీలుగా సమ్మర్ హాలిడేస్లో లభించే ఇంటర్న్‌‌‌‌షిప్‌‌‌‌లకు డిమాండ్ ఎక్కువ.
లాంగ్ టెర్మ్
ఉద్యోగార్థుల స్కిల్స్‌ టెస్ట్ చేయడంతో పాటు వారికి పర్మనెంట్ ఎంప్లాయ్‌‌‌‌మెంట్ కల్పించడానికి కంపెనీలు లాంగ్‌‌‌‌టెర్మ్‌ ఇంటర్న్షిప్స్ ఆఫర్ చేస్తాయి. ఇవి కొన్ని నెలల నుంచి సంవత్సరాల వరకు ఉంటాయి. వీటి ద్వారా అభ్యర్థులకు కోర్ వర్క్ ఎక్స్పీరియన్స్, రియల్‌ జాబ్ నాలెడ్జ్‌, టీమ్ వర్క్ అలవడుతుంది. స్టైపెండ్ కూడా ఆకర్షణీయంగా ఉండటంతో లాంగ్ టెర్మ్ ఇంటర్న్‌‌‌‌షిప్స్‌‌‌‌కి డిమాండ్ ఎక్కువ. దీర్ఘకాలం పనిచేయడం ద్వారా బిజినెస్ కార్యకలాపాలపై అభ్యర్థులకు పూర్తి అవగాహన వస్తుంది కాబట్టి వీరిని శాశ్వతంగా నియమించుకోవడానికి కంపెనీలూ ఆసక్తి చూపిస్తాయి. షార్ట్‌‌‌‌టెర్మ్‌‌‌‌లో నేర్చుకోలేని కష్టతర సబ్జెక్ట్ నాలెడ్జ్‌ గెయిన్ చేయడానికి బెస్ట్ ఆప్షన్ లాంగ్ టెర్మ్ ఇంటర్న్షిప్స్.
టైప్స్‌ ఆఫ్ ఇంటర్న్షిప్
పెయిడ్
స్కిల్స్‌ పెంచుకుంటూ సంపాదించే అవకాశం పెయిడ్ ఇంటర్న్‌‌‌‌షిప్స్‌‌‌‌లో ఉంది. మెడిసిన్, ఆర్కిటెక్చర్, సైన్స్, ఇంజినీరింగ్, లా, ఫైనాన్స్, అకౌంటింగ్, టెక్నాలజీ, అడ్వర్‌‌‌‌‌‌‌‌టైజింగ్ రంగాల్లో ఇవి ఎక్కువ. గ్రాడ్యుయేషన్ సెకండ్, థర్డ్ ఇయ ర్‌‌‌‌‌‌‌‌లో చేసే ఈ ఇంటర్న్‌‌‌‌షిప్స్‌‌‌‌లో స్టైపెండ్ కొంత ఎక్కువగానే ఉంటుంది. దీంతో పాటు కొన్ని కంపెనీలు ఫుడ్, ట్రావెల్ అలవెన్సులు కూడా చెల్లిస్తాయి. స్టూడెంట్స్‌ స్టడీస్‌‌‌‌లో మంచి మార్కులతో పాటు ప్రాక్టికల్ నాలెడ్జ్‌ గెయిన్ చేయడానికి ఇవి తోడ్పడుతాయి.
పార్శియల్లీ పెయిడ్
షార్ట్టెర్మ్, లాంగ్‌‌‌‌టెర్మ్‌ కాలానికి చేసే పార్శియల్లీ పెయిడ్ ఇంటర్న్‌‌‌‌షిప్స్‌‌‌‌లో స్టైపెండ్ ఉండదు. కానీ ఈ కాలంలో ప్రోత్సాహకాలు, మెయింటెనెన్స్‌, ట్రావెల్, ఫుడ్ అలవెన్స్‌‌‌‌ల రూపంలో కంపెనీని బట్టి రూ.5 నుంచి 10 వేల వరకు చెల్లిస్తారు.
అన్‌‌‌‌పెయిడ్
ఇవి వాలంటరీగా చేసే ఇంటర్న్షిప్స్. కేవలం డొమైన్ నాలెడ్జ్‌ గెయిన్ చేయడం కోసం చాలా మంది వీటిని ఎంచుకుంటారు. స్వచ్ఛంద సంస్థలు, చారిటీలు సోషల్వర్క్ వంటి వాటిలో ఈ ఇంటర్న్షిప్స్ ఎక్కువ. స్కూల్/కాలేజీలో ప్రాజెక్ట్ వర్క్ కోసం కూడా చేయవచ్చు.
రీసెర్చ్/వర్చువల్
పర్టిక్యులర్ సబ్జెక్ట్ లేదా ఏరియాపై రీసెర్చ్ చేయాలనుకునేవారికి సూటబుల్ ఇంటర్న్షిప్ ఇది. ఆఫీస్‌‌‌‌కు వెళ్లకుండా మనకు నచ్చిన టైంలో ఫోన్, వెబ్ లేదా ఈమెయిల్ కమ్యూనికేషన్ ద్వారా చేయవచ్చు. ఇటీవల కాలంలో ఆన్‌‌‌‌లైన్ ఇంటర్న్షిప్స్ అందించే కంపెనీల సంఖ్య పెరుగుతోంది.
స్పాన్సర్డ్‌
ప్రాక్టికల్ నాలెడ్జ్‌ కోసం సంస్థకే కొంత మొత్తం చెల్లించి చేసే ఇంటర్న్షిప్ ఇది. ఇందులో రీసెర్చ్, ప్రాక్టికల్ ఎక్స్‌‌‌‌పీరియన్స్‌‌‌‌లో అసిస్ట్ చేసినందుకు అభ్యర్థులే కంపెనీలకు కొంత మొత్తం చెల్లించాలి. సాధారణంగా అకడమిక్ క్రెడిట్స్‌ ఇవ్వడానికి కొన్ని స్కూళ్లు/కాలేజీలు స్పాన్సర్‌ చేసి వారి విద్యార్థులతో ఇంటర్న్షిప్ చేయిస్తాయి. కంపెనీ ఇచ్చే పర్‌‌‌‌‌‌‌‌ఫార్మెన్స్‌ రిపోర్టు ఆధారంగా క్రెడిట్స్‌ ఇస్తాయి.
ఇంటర్న్షిప్స్ అబ్రాడ్
విదేశాల్లో చాలా ఇన్‌‌‌‌స్టిట్యూట్‌‌‌‌లు క్రెడిట్స్‌ ఇవ్వడం కోసం పెయిడ్, పార్శియల్లీ పెయిడ్ ఇంటర్న్షిప్స్ ఆఫర్ చేస్తుంటాయి. దీంతో పాటు స్టైపెండ్ కూడా లభిస్తుంది. లోకల్ ఇంటర్న్‌‌‌‌షిప్స్‌‌‌‌తో పోల్చినప్పుడు డిఫరెంట్ ఎక్స్‌‌‌‌పోజర్ ఇస్తాయి కాబట్టి వీటిని జాబ్స్‌ అనవచ్చు. గోల్డ్మన్ సాక్స్‌, కోనె, డెలాయిట్, లోరిల్, ఆయిస్టర్, వరల్డ్ బ్యాంక్, కేపీఎంజీ తదితర అంతర్జాతీయ సంస్థలు ఇంటర్న్షిప్ ఆపర్చునిటీస్ కల్పిస్తున్నాయి. ఇదివరకే అబ్రాడ్‌‌‌‌లో చదువుతున్న వారికి ఇవి ఉపయోగకరం. ఇవి చేయాలనుకునే వారికి కనీసం 3 నెలలకు తక్కువ కాకుండా వీసా లభిస్తుంది. దేశాన్ని బట్టి నెలకు 5 వేల యూఎస్ డాలర్లతో పాటు రానుపోనూ విమాన చార్జీలు అందిస్తారు
– వెలుగు ఎడ్యుకేషన్ డెస్క్‌
