అలంపూర్, వెలుగు : జోగులాంబ అమ్మవారి వార్షిక బ్రహ్మోత్సవాలకు రావాలని గవర్నర్ తమిళిసైను ఆలయ ఈవో పురేందర్ కుమార్, చైర్మన్ చిన్నకృష్ణయ్య, ప్రధాన అర్చకులు ఆనంద్ శర్మ, బండి శ్రీనివాస్ ఆహ్వానించారు. శుక్రవారం రాజ్భవన్లో గవర్నర్ను కలిసి అమ్మవారి జ్ఞాపిక, ప్రసాదాలనుఅందజేసి, ఆలయ విశిష్టతను వివరించారు. ఈ నెల 14న జోగులాంబ ఆలయానికి వస్తానని గవర్నర్ చెప్పారన్నారు.
నేటి నుంచి వార్షిక బ్రహ్మోత్సవాలు
జోగులాంబ బాల బ్రహ్మేశ్వర స్వామి దేవస్థానంలో శనివారం నుంచి ఈ నెల14 వరకు జోగులాంబ అమ్మవారి వార్షిక బ్రహ్మోత్సవాలు నిర్వహించనున్నట్లు ఈవో తెలిపారు. శనివారం ఉదయం 8 గంటల నుంచి స్వామి వారి ఆనతి స్వీకరణ, యాగశాల ప్రవేశం, గణపతి పూజ, పుణ్యాహవచనం, మహా కలశస్థాపన కార్యక్రమాలు నిర్వహిస్తామని చెప్పారు. సాయంత్రం 6 గంటలకు ధ్వజారోహణం ఉంటుందన్నారు. ఆలయ కమిటీ ఆధ్వర్యంలో భక్తులకు ఎలాంటి ఇబ్బంది కలగకుండా ఏర్పాట్లు చేసినట్లు తెలిపారు.
