FIFA World Cup 2026 Controversy: అమెరికా వేదికగా జరుగుతున్న ఫిఫా ఫుట్బాల్ వరల్డ్ కప్ (FIFA World Cup 2026)లో ఆట కంటే ముందే రాజకీయ వివాదాలు గట్టిగా రాజుకున్నాయి. లాస్ ఏంజెల్స్లో న్యూజిలాండ్తో జరిగిన ఇరాన్ ఓపెనింగ్ మ్యాచ్ పూర్తిగా పొలిటికల్ టెన్షన్ల నడుమ సాగింది. మ్యాచ్ ప్రారంభానికి ముందు గ్రౌండ్లో ఇరాన్ నేషనల్ యాంథమ్ (జాతీయ గీతం) వస్తున్నప్పుడు.. స్టేడియంలోని కొందరు ఫ్యాన్స్ గట్టిగా అరుస్తూ, ఈలలు వేస్తూ జాతీయ గీతాన్ని అవమానించడం (Booed the national anthem) ఇప్పుడు ప్రపంచవ్యాప్తంగా తీవ్ర చర్చకు దారితీసింది.
స్టేడియం బయట నిరసనలు.. లోపల ఈలల గోల:
ప్రపంచంలోనే అత్యధికంగా ఇరాన్ దేశస్థులు వలసవచ్చి ఉండే నగరాల్లో లాస్ ఏంజెల్స్ ఒకటి.. అందుకే ఈ సిటీ ఇరు వర్గాల ఎమోషన్స్కు మెయిన్ సెంటర్ అయింది. మ్యాచ్ స్టార్ట్ అయ్యే ముందు వందలాది మంది ఇరానియన్-అమెరికన్లు స్టేడియం బయట చేరి, ఇరాన్ ప్రభుత్వానికి వ్యతిరేక నిరసనలు (Anti-government protests) చేపట్టారు. స్టేడియం లోపల కొందరు తమ దేశ జట్టు ‘టీమ్ మెల్లి’కి సపోర్ట్ చేసినా.. జాతీయ గీతం ప్లే అయినప్పుడు మాత్రం మరి కొందరు గట్టిగా వ్యతిరేకత తెలియజేశారు.
వీసాల గొడవ.. మెక్సికోలో ప్రాక్టీస్:
అసలు ఈ వరల్డ్ కప్లో ఆడటానికి ఇరాన్ టీమ్ రాకముందే పెద్ద పంచాయితీ నడిచింది. ఇరు దేశాల గొడవలతో టెహ్రాన్ ప్లేయర్లు, అధికారులకు వీసాలు (Visa issues) దొరకడం కష్టమైంది, సెక్యూరిటీ సమస్యలు కూడా వచ్చాయి. దీనివల్ల డైరెక్ట్గా అమెరికా రాలేక.. ఇరాన్ టీమ్ తమ ప్రాక్టీస్ను మెక్సికోలో ముగించుకుని, ఆ తర్వాత ఎలాగోలా టోర్నమెంట్ కోసం అమెరికాలోకి ఎంట్రీ ఇచ్చింది.
మ్యాచ్ మాత్రం కిర్రాక్:
ఇరు దేశాల మధ్య ఉద్రిక్తతలు కొనసాగినప్పటికీ.. మ్యాచ్ మాత్రం ఫుల్ ఎంటర్టైన్మెంట్ ఇచ్చింది. గ్రూప్-జీ (Group G) లో జరిగిన ఈ మ్యాచ్లో మొదట వెనుకబడిన ఇరాన్ జట్టు ఆ తర్వాత గట్టిగా పుంజుకుంది. ఇరాన్ ప్లేయర్ రామిన్ రెజాయ్ (Ramin Rezaeian) కిర్రాక్ ఆట తీరుతో జట్టుకు పాయింట్ తెచ్చిపెట్టాడు, దీంతో మ్యాచ్ 2–2తో డ్రాగా ముగిసింది.
When Iran’s national anthem was played at SoFi Stadium ahead of the Iran v. New Zealand game, the crowd booed loudly and didn’t let up. The World Cup match is coming on the heels of an Iran-U.S. interim peace agreement. pic.twitter.com/p13ZpkmF9n
— Daniel Miller (@DanielNMiller) June 16, 2026
