- ప్రకటించిన ఐఆర్సీటీసీ
హైదరాబాద్సిటీ, వెలుగు: ఐఆర్సీటీసీ ఆధ్వర్యంలో పంచజ్యోతిర్లింగాల దర్శనం చేయించేందుకు ‘భారత్ గౌరవ్’ పేరిట ప్రత్యేక రైలును అందుబాటులోకి తీసుకువచ్చింది. ఈ రైలు ఈ నెల16న సికింద్రాబాద్నుంచి బయలు దేరుతుంది. యాత్ర 9 రోజుల పాటు కొనసాగుతుంది. ఇందులో మహాకాళేశ్వర్, ఓంకారేశ్వర్, త్రయంబకేశ్వర్, భీమశంకర్, గృష్ణేశ్వర్ ఆలయాల దర్శనం ఉంటుంది.
సికింద్రాబాద్ నుంచి మధ్యాహ్నం 2గంటలకు బయలుదేరి కామారెడ్డి, నిజామాబాద్, ధర్మాబాద్, ముద్కేడ్, నాందేడ్, పూర్ణా మీదుగా ఉజ్జయినీ వరకు వెళ్తుందన్నారు. యాత్రలో వసతి, భోజనం వంటి వాటితోపాటు ఆలయాల దర్శనం కూడా ప్యాకేజీలో ఉంటుందన్నారు. ఒక్కరికి స్లీపర్అయితే రూ.14,700, 3 ఏసీ రూ.22,900, 2ఏసీ రూ.29,900 చార్జ్ చేయనున్నారు. ప్యాకేజీలో రోజుకు మూడు సార్లు భోజనాలు, వసతి, పర్యాటక రవాణా సౌకర్యాలు కల్పిస్తారు. ప్రతి బోగీలో ఐఆర్సీటీసి సిబ్బంది అందుబాటులో ఉంటారు. వివరాల కోసం వెబ్‌‌సైట్: www.irctctourism.com, ఫోన్నంబర్లు 9701360701, 9281030740,9281030750,9281030711 సంప్రదించాలన్నారు.
