ఓయూ,వెలుగు: పీవీ నర్సింహరావు వెటర్నరీ వర్సిటీలోని అసిస్టెంట్ ప్రొఫెసర్ ఉద్యోగాల భర్తీలో అక్రమాలు జరిగాయని టీపీసీసీ రాష్ట్ర ప్రధాన కార్యదర్శి, తెలంగాణ విద్యార్థి నిరుద్యోగ జేఏసీ చైర్మన్ మానవతారాయ్ ఆరోపించారు. బుధవారం ఆయన ఓయూ ఆర్ట్స్కాలేజీ వద్ద మాట్లాడుతూ..వర్సిటీ పరిధిలోని వనపర్తి, పెబ్బేరు మత్య్స కాలేజీల్లోని 7 అసిస్టెంట్ ప్రొఫెసర్ పోస్టుల భర్తీకి అర్హతలున్న తెలంగాణకు చెందిన వారిని కాకుండా కర్నాటకకు చెందిన నాన్-లోకల్ క్యాండిడేట్లను ఎంపిక చేశారన్నారు. ఈ ఉత్తర్వులను రద్దు చేసి తిరిగి ఇంటర్వ్యూలు నిర్వహించి స్థానికులనే ఎంపిక చేయాలని ఆయన డిమాండ్ చేశారు.
