రవితేజ హీరోగా శివ నిర్వాణ దర్శకత్వంలో మైత్రీ మూవీ మేకర్స్ బ్యానర్పై నవీన్ యెర్నేని, వై రవిశంకర్ నిర్మిస్తున్న చిత్రం ‘ఇరుముడి’. ఇప్పటికే విడుదలైన ప్రమోషనల్ కంటెంట్ సినిమాపై అంచనాలు పెంచింది. అయితే ఇటీవల ఈ సినిమా రిలీజ్ డేట్పై వస్తున్న ఊహాగానాలపై టీమ్ మరోసారి క్లారిటీ ఇచ్చింది. ముందుగా అనౌన్స్ చేసిన ఆగస్టు 21నే ఈ చిత్రం వరల్డ్వైడ్గా విడుదల కానుందని ప్రకటించారు.
ఈ విషయాన్ని తెలియజేస్తూ.. 25 డేస్ టు గో పోస్టర్ను రిలీజ్ చేశారు. ఇందులో రవితేజ పేకాటలో నిమగ్నమైనట్టు కనిపిస్తున్నారు. తనను వెనుక నుంచి కూతురు పాత్ర పోషిస్తున్న చిన్నారి నక్షత్ర ప్రేమగా కౌగిలించుకోవడం ఆకట్టుకుంది. తండ్రీ-కూతుళ్ల బంధం కథలో ఎంత కీలకంగా ఉండబోతోందో ఈ పోస్టర్ ద్వారా చూపించారు.
ప్రియా భవానీ శంకర్ హీరోయిన్గా నటిస్తుండగా, సాయి కుమార్, అజయ్ ఘోష్, రమేష్ ఇందిర, స్వాసిక కీలక పాత్రల్లో కనిపించనున్నారు. జీవీ ప్రకాష్ కుమార్ సంగీతం అందిస్తున్నాడు.
