జ్యోతిష్య శాస్త్రం ప్రకారం పుట్టిన సమయంలో లగ్నాధిపతి లేదా రాశ్యధిపతి బలంగా ఉంటే జాతకంలో ఎటువంటి దోషమైనా తొలగిపోతుంది.అలా లేకపోతే జాతక దోషాలు వెంటాడుతాయి. ఈ అధిపతులు బలంగా ఉండడానికి, యోగాలు పట్టించడానికి జ్యోతిష గ్రంథాల ద్వారా తెలుస్తుంది. ఏరాశికి ఏ గ్రహం అధిపతి ఎవరు.. అధిష్ఠాన దేవత ఎవరు.. జాతక దోషాలు తొలగాలంటే నిత్యం ఎవరు ఏ మంత్రాన్ని చదవాలో ఈ స్టోరీలో తెలుసుకుందాం..
ప్రతి గ్రహానికి ఒక అధిష్ఠాన దేవత ఉంటుంది. ఆ అధిష్ఠాన దేవతను నిరంతరం మనసులో స్మరిస్తూ ఉండడం వల్ల ఆ గ్రహానికి సంబంధించిన దోషాలన్నీ తొలగిపోయి, శుభ ఫలితాలను ఇవ్వడం ప్రారంభిస్తాయని జ్యోతిష్య నిపుణులు చెబుతున్నారు.
ద్వాదశ రాశుల మంత్రములు
మేష రాశి
- ఈ రాశికి అధిపతి: కుజుడు
- అధిష్ఠాన దేవత :సుబ్రహ్మణ్యేశ్వర స్వామి
- నిత్యం చదవాల్సిన మంత్రం :ఓం హ్రీం శ్రీం లక్ష్మీనారాయణాయ నమః
వృషభరాశి
- ఈ రాశికి అధిపతి: శుక్రుడు
- అధిష్ఠాన దేవత : లక్ష్మీదేవి , హయగ్రీవుడు.
- నిత్యం చదవాల్సిన మంత్రం : ఓం గోపాలాయ ఉత్తర ధ్వజాయనమః
మిథున రాశి
- ఈ రాశికి అధిపతి: బుధుడు
- అధిష్ఠాన దేవత : గణపతి
- నిత్యం చదవాల్సిన మంత్రం :ఓం క్లీం కృష్ణాయ నమః
కర్కాటక రాశి
- ఈ రాశికి అధిపతి: చంద్రుడు
- అధిష్ఠాన దేవత :దుర్గాదేవి
- నిత్యం చదవాల్సిన మంత్రం :ఓం క్లీం హిరణ్యగర్భాయ అవ్యక్త రూపిణే నమః
సింహరాశి
- ఈ రాశికి అధిపతి: సూర్యడు
- అధిష్ఠాన దేవత :ఆదిత్యుడు ( సూర్యభగవానుడు)
- నిత్యం చదవాల్సిన మంత్రం :ఓం క్లీం బ్రహ్మణే జగదాధారాయ నమః
కన్యారాశి
- ఈ రాశికి అధిపతి: బుధుడు
- అధిష్ఠాన దేవత :వినాయకుడు, విష్ణుమూర్తి
- నిత్యం చదవాల్సిన మంత్రం :ఓం నమో హ్రీం పీతాంబరాయ నమః
తులారాశి
- ఈ రాశికి అధిపతి: శుక్రుడు
- అధిష్ఠాన దేవత :లక్ష్మీదేవి
- నిత్యం చదవాల్సిన మంత్రం : ఓం తత్వ నిరంజనాయ తారకరామాయ నమః
వృశ్చికరాశి
- ఈ రాశికి అధిపతి: కుజుడు
- అధిష్ఠాన దేవత :శుభ్రమణ్యస్వామి, ఆంజనేయస్వామి
- నిత్యం చదవాల్సిన మంత్రం :ఓం నారాయణాయ నరసింహాయ నమః
ధనస్సురాశి
- ఈ రాశికి అధిపతి: గురుడు
- అధిష్ఠాన దేవత : దుర్గాదేవి
- నిత్యం చదవాల్సిన మంత్రం :ఓం శ్రీం దేవకృష్ణాయ ఊర్ధ్వదంతాయ నమః
మకరరాశి
- ఈ రాశికి అధిపతి: :శని
- అధిష్ఠాన దేవత :శివుడు
- నిత్యం చదవాల్సిన మంత్రం : ఓం శ్రీ వత్సలాయ నమః
కుంభరాశి
- ఈ రాశికి అధిపతి: శని
- అధిష్ఠాన దేవత :శివుడు, నరసింహస్వామి
- నిత్యం చదవాల్సిన మంత్రం : ఓం శ్రీం ఉపేంద్రాయ అచ్యుతాయ నమః
మీనరాశి
- ఈ రాశికి అధిపతి: గురుడు
- అధిష్ఠాన దేవత :దుర్గాదేవి, దత్తాత్రేయస్వామి
- నిత్యం చదవాల్సిన మంత్రం :ఓం క్లీం ఉధృతాయ ఉద్దారిణే నమః
ఈ మంత్రాలను నిత్యం భక్తితో 108 సార్లు జపం చేయడం వలన శరీరంలో ఆత్మ-ప్రాణశక్తి పెరుగుతుంది. శుల ననుసరించి ప మహామంత్రాల్ని జపిస్తే మానవుడు చాలా భాగం మాయ నుండి బయట పడతారని జ్యోతిష్య పండితులు చెబుతున్నారు. సృష్టి స్థితి లయలకు మాయ మూలస్థానం. దీనికి లోబడే జగత్తు కాలభ్రమణమవుతోంది . మయుడు మాయకే సూత్రధారి. అదే విష్ణుమాయ. త్రిమూర్తులు కూడా మాయ బద్దులే భవిష్య పురాణం ద్వారా తెలుస్తుంది.
మానవుడు జాగ్రత్తగా ఉంటూ , ధార్మిక నియమాలు పాటిస్తూ ఉంటే , సర్వశుభాలు సమకూరుటయేగాక , మరొక జన్మలేని పరమపదాన్ని చేరతాడని పురాణాల ద్వారా తెలుస్తుంది. లోకకళ్యాణం కోసం మానవుడు ఏ కార్యం ఆచరిస్తాడో అదే సత్యం . అదే ధర్మం . అదే సత్య ధర్మమని పండితులు చెబుతున్నారు.
Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనాన్ని జ్యోతిష్య నిపుణుల సలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించరు. మీకున్న జ్యోతిష్య సమస్యలకు నిపుణులను సంప్రదించటం ఉత్తమం.
