Ishan Kishan Injury: ఆఫ్ఘనిస్తాన్తో రేపటి (ఆదివారం, సెప్టెంబర్ 13న) నుంచి ప్రారంభం కానున్న టీ20 సిరీస్కు ముందు టీమిండియాకు బిగ్ షాక్ తగిలింది. ఢిల్లీలోని అరుణ్ జైట్లీ స్టేడియంలో జరిగిన ప్రాక్టీస్ సెషన్లో భారత విధ్వంసకర బ్యాటర్ ఇషాన్ కిషన్ తీవ్రంగా గాయపడ్డాడు. గాయం దెబ్బకు ఇషాన్ ప్రాక్టీస్ను మధ్యలోనే ఆపేసి ఫిజియో దగ్గరకు వెళ్లాల్సి రావడంతో టీమిండియా టీమ్ మేనేజ్మెంట్లో తీవ్ర ఆందోళన మొదలైంది.
సైనీ బౌన్సర్.. విలవిలలాడిన ఇషాన్:
నెట్ సెషన్లో ప్రాక్టీస్ చేస్తుండగా నెట్ బౌలర్గా ఉన్న నవదీప్ సైనీ.. ఇషాన్ కిషన్కి ఒక భయంకరమైన బౌన్సర్ విసిరాడు. ఆ షార్ట్ బంతిని అంచనా వేయడంలో విఫలమైన ఇషాన్, విచిత్రంగా కిందకు వంగే (డక్) ప్రయత్నం చేయగా నడుము తీవ్రంగా పట్టేసింది. వెంటనే నొప్పి భరించలేక క్రీజులోనే విలవిలలాడిన ఇషాన్, ప్రాక్టీస్ నుంచి వైదొలిగి టీమ్ ఫిజియో పర్యవేక్షణలోకి వెళ్లిపోయాడు.
ఇషాన్ వీక్నెస్ లీక్.. ఆఫ్ఘన్కు సీక్రెట్ రూట్:
ఈ ఘటనపై సైనీ స్పందిస్తూ ఇషాన్ క్షేమంగానే ఉన్నాడని చెప్పినప్పటికీ, ఇషాన్ బలహీనతను బాహాటంగా బయటపెట్టేశాడు. నాకు ఇషాన్ వీక్నెస్ తెలుసు, అందుకే షార్ట్ బాల్తో టార్గెట్ చేశానని వ్యాఖ్యానించాడు. దీంతో ఆఫ్ఘనిస్తాన్ బౌలర్లకు ఇషాన్ను ఎలా అడ్డుకోవాలో ఒక సీక్రెట్ ఆయుధం దొరికినట్లయింది. గతంలో లహిరు కుమార బౌన్సర్కు ఆస్పత్రి పాలైన ఇషాన్ను, ఇప్పుడు ఆఫ్ఘన్ బౌలర్లు కూడా బౌన్సర్లతో ముప్పుతిప్పలు పెట్టే ప్రమాదం ఉంది.
నయా టీ20 స్టార్గా ఇషాన్ రికార్డులు:
2026 టీ20 వరల్డ్ కప్లో 193.92 స్ట్రైక్ రేట్తో 317 రన్స్ బాదిన ఇషాన్, భారత్ విజయంలో కీలక పాత్ర పోషించాడు. ఇటీవల ముగిసిన దులీప్ ట్రోఫీ 2026లోనూ ఈస్ట్ జోన్ తరఫున ఏకంగా 409 పరుగులు చేసి జట్టుకు టైటిల్ అందించాడు. ప్రస్తుతం టీమిండియా తరఫున మూడో స్థానంలో సెటిల్ అయిన ఇషాన్, ఈ గాయం నుంచి కోలుకుని ఆదివారం మ్యాచ్ నాటికి పూర్తి ఫిట్నెస్తో అందుబాటులోకి వస్తాడో లేదోనని ఫ్యాన్స్ ఉత్కంఠగా వేచి చూస్తున్నారు.
Ishan Kishan appeared to hurt his back while batting in the nets and had to be attended to by the physios. 😟
— CREX (@Crex_live) September 12, 2026
Thankfully, Kishan was able to walk off the field on his own. (India Today)#IshanKishan #INDvsAFG pic.twitter.com/HaCsjAZXHD
