మాదాపూర్, వెలుగు: కమర్షియల్ గ్యాస్ సిలిండర్లను ఐటీ కారిడార్లోని ప్రైవేట్ హాస్టళ్లకు అక్రమంగా విక్రయిస్తున్న వ్యక్తిని మాదాపూర్ పోలీసులు పట్టుకున్నారు. అంబర్పేటకు చెందిన అంజిరెడ్డి మార్కెట్లో ప్రస్తుతం కమర్షియల్ గ్యాస్ సిలిండర్లకు ఏర్పడ్డ కొరతను తన ఆదాయ వనరుగా మార్చుకున్నాడు. తన వద్ద ఉన్న సిలిండర్లను మాదాపూర్ పత్రికా నగర్లోని ప్రైవేట్ హాస్టళ్లకు విక్రయించేందుకు బుధవారం ఆటోలో బయలుదేరారు. పక్కా సమాచారంతో పోలీసులు అతడిని అదుపులోకి తీసుకొని, 31 సిలిండర్లను సీజ్ చేశారు.
