మా వింత గాథ వినుమా, కృష్ణ అండ్ హిజ్‌ లీల వంటి వెరైటీ కాన్సెప్ట్స్‌‌‌‌తో ఆకట్టుకున్న సిద్ధు జొన్నలగడ్డ.. ఇప్పుడు ‘డిజె టిల్లు’గా వస్తున్నాడు. ఈ చిత్రానికి కథ, మాటలు కూడా తనే రాశాడు. విమల్ కృష్ణ దర్శకుడు. నేహాశెట్టి హీరోయిన్‌. ప్రిన్స్, బ్రహ్మాజీ, ప్రగతి, నర్రా శ్రీనివాస్ ఇతర పాత్రల్లో నటిస్తున్నారు. ఈ రొమాంటిక్ ఎంటర్‌‌‌‌‌‌‌‌టైనర్‌ నుంచి ఆల్రెడీ ఓ సాంగ్ రిలీజై పాపులర్ అయ్యింది. నిన్న మరో పాటను విడుదల చేశారు.
‘రాజా రాజా ఐటమ్ రాజా, రోజా రోజా క్రేజీ రోజా, లేజీ లేజీ గుండెల్లోనా, డిజె డిజె కొట్టేసిందా.. పటాస్ పిల్ల పటాస్ పిల్ల’ అంటూ సాగే ఈ పాట యూత్‌‌‌‌ని ఆకట్టుకునేలా ఉంది. శ్రీచరణ్ పాకాల ట్యూన్‌‌‌‌కి కిట్టు విస్సా ప్రగడ లిరిక్స్ రాశాడు. మ్యూజిక్ డైరెక్టర్ అనిరుధ్ ఈ పాటలను పాడాడు. ఇది కొత్త తరం రొమాంటిక్ లవ్‌‌‌‌స్టోరీ అంటున్నాడు దర్శకుడు. సితార ఎంటర్‌‌‌‌టైన్‌‌‌‌మెంట్స్, ఫార్చ్యూన్ ఫోర్ సినిమాస్ సంస్థలు కలిసి నిర్మిస్తున్నాయి.
