సోషల్​ మీడియాలో ఇలా ఉండాలి

V6 Velugu Posted on Oct 05, 2021

ఒకప్పుడు సోషల్​ మీడియా అంటే  ఫ్రెండ్స్​ని  కనెక్ట్​ చేసే ప్లాట్​ఫాం మాత్రమే. కానీ, ఇప్పుడు అందరి జీవితాల్లో అదొక ఇంపార్టెంట్​ పార్ట్​ అయ్యింది. ఎంతలా అంటే  ఒక రెండుమూడు గంటలు వాడకపోతే  ఎఫ్​. ఓ. ఎమ్​. ఓ (  ఫియర్​ ఆఫ్​ మిస్సింగ్​ అవుట్​) అటాక్​ చేస్తోంది. దానివల్ల డిప్రెషన్​, స్ట్రెస్, యాంగ్జైటీ​ పెరిగిపోతోంది. దీన్నుంచి బయటపడటానికి.. సోషల్ మీడియా టాక్సిసిటీని హ్యాండిల్​ చేయడానికి హ్యాపీనెస్​ అండ్​ వెల్​బీయింగ్​ కోచ్​ పూజ కెరా చెబుతున్న టిప్స్​ ఇవి. 
యాక్సెప్ట్ చేసేముందు..
ఎవరైనా ఫాలో​ లేదా ఫ్రెండ్​ రిక్వెస్ట్​ పంపితే వెంటనే యాక్సెప్ట్​ చేయకూడదు. వాళ్ల ప్రొఫైల్​లోకి వెళ్లి కామన్​ ఫ్రెండ్స్, పోస్ట్​లని చూడాలి. వాళ్లు ఏ పోస్ట్​కి ​ ఎలా రియాక్ట్​ అవుతున్నారో చెక్​ చేసుకోవాలి.  ప్రొఫైల్​ పిక్చర్​​గా కొందరు వాళ్ల ఫొటోలకి బదులు హీరోహీరోయిన్లు, నేచర్​ ఫొటోలని పెడుతుంటారు. పోస్ట్​లు కూడా పెద్దగా పెట్టరు. అలాంటివాళ్ల   రిక్వెస్ట్​లని యాక్సెప్ట్​ చేసేముందు ఒకటికి పదిసార్లు ఆలోచించాలి. ఎందుకంటే ఇలాంటి వాటిల్లో చాలా వరకు ఫేక్​ ఐడీలే ఉంటాయి. 
అన్​ ఫాలో.. 
కొంతమంది సంబంధం లేకుండా పోస్ట్​లకి  చెత్త కామెంట్లు పెడుతుంటారు. మన ఫ్రెండ్​ లిస్ట్​లో ఉన్నవాళ్లు కూడా కొన్నిసార్లు కామెంట్​ సెక్షన్​లో పర్సనల్​ విషయాలు, అనవసర  డిస్కషన్స్​ ​ చేస్తుంటారు. నెగెటివ్​ కామెంట్లు కూడా పెడుతుంటారు. అలాంటి వాళ్లని అన్​ఫాలో చేయడానికి ఏ మాత్రం ఆలోచించకూడదు. ఒకవేళ మన   మెంటల్​ హెల్త్​ని ఎఫెక్ట్​ చేసే అలాంటి వాళ్లని కట్​చేయకపోతే ఆ ప్రభావం మిగతా ఫాలోవర్స్​పైనా పడుతుంది. ప్రస్తుతం చాలా కంపెనీలు  వెరిఫికేషన్స్​లో భాగంగా సోషల్​ మీడియాని  కూడా చెక్​ చేస్తున్నాయి. అందుకే వాళ్లని దూరంగానే ఉంచాలి. 
హేటర్స్​కి రెస్పాన్స్​
మనపై నెగెటివ్​ కామెంట్స్​, పోస్టులు చూసినప్పుడు కోపం రావడం సహజం. కానీ, కోపం వల్ల  సిచ్యుయేషన్​ చెయ్యి దాటిపోతుంది. అందువల్ల ఆ కామెంట్లని సాధ్యమైనంతవరకు పట్టించుకోకపోవడమే మంచిది. ఒకవేళ నెగెటివిటీ మితిమీరితే మాత్రం కంప్లైంట్​ ఇవ్వాలే తప్ప పర్సనల్​గా వాదనకి దిగొద్దు. దానివల్ల ఆ నెగెటివిటీ మరింత పాకుతుంది. అలాగే మనల్ని ఇన్​స్పైర్​ చేసే పర్సన్స్​ని ఫాలో అవ్వడం వల్ల పాజిటివ్​ వైబ్స్​ వస్తాయి అంటున్నారు పూజ కెరా. 

Tagged COMMENTS, Social media, life style,

Latest Videos

Subscribe Now

More News