ఇందులో రేవంత్బంధువులు 40మంది ఉన్నరు: జగదీశ్ రెడ్డి
హైదరాబాద్, వెలుగు: ప్రపంచంలోనే అతిపెద్ద స్కామ్కు కాంగ్రెస్ ప్రభుత్వం తెరదీసిందని బీఆర్ఎస్ఎమ్మెల్యే జగదీశ్రెడ్డి ఆరోపించారు. ప్రభుత్వ భూములను ఇష్టం వచ్చినట్టు కట్టబెడుతున్నారని తెలిపారు.10 వేల ఎకరాల భూములను చౌకగా తన బంధువులను కట్టబెట్టేందుకు రేవంత్సిద్ధమయ్యారని చెప్పారు.
గురువారం ఆయన తెలంగాణ భవన్లో మీడియాతో మాట్లాడారు. ఈ స్కామ్లో రేవంత్ రెడ్డి కుటుంబ సభ్యులు 40 మంది ఉన్నారని, త్వరలోనే వారి పేర్లను బయటపెడతామని పేర్కొన్నారు. ఓఆర్ఆర్ దగ్గర ఎకరం రూ.137 కోట్లు పలికిందని చెబుతున్న ప్రభుత్వం.. సిటీ నడిబొడ్డున ఉన్న భూములను మాత్రం అతి తక్కువ ధరకే కట్టబెడుతున్నదని మండిపడ్డారు.
దొంగలు దొంగలు కలిసి భూములు పంచుకోవడమే ఈ ల్యాండ్ స్కామ్ లక్ష్యమని వెల్లడించారు. నాచారం, బాలానగర్లో గజం లక్ష యాభై వేలు మార్కెట్ ధర ఉంటే.. రూ.10 వేలకే కట్టబెట్టే ప్రయత్నం చేస్తున్నారని విమర్శించారు.
