రైతు నిరసనల్లో దేశ వ్యతిరేకుల ఫొటోలు ప్రదర్శిస్తున్నారు

V6 Velugu Posted on Dec 15, 2020

న్యూఢిల్లీ: కేంద్రం తీసుకొచ్చిన కొత్త వ్యవసాయ చట్టాలను వ్యతిరేకిస్తూ రైతులు దేశ రాజధాని ఢిల్లీలో నిరసనలను దిగిన విషయం తెలిసిందే. అయితే ఈ నిరసనల్లో జాతి వ్యతిరేక శక్తులు, లెఫ్టిస్టులు, మావోయిస్టు వింగ్ చొరబడ్డాయని బీజేపీ నేతలు ఆరోపిస్తున్నారు. తాజాగా ఈ విషయంపై కేంద్ర మంత్రి నితిన్ గడ్కరీ స్పందించారు. దేశ వ్యతిరేక ప్రసంగాలు చేసిన వారి ఫొటోలను రైతుల నిరసనల్లో ప్రదర్శిస్తున్నారని నితిన్ గడ్కరీ తెలిపారు.

‘నాగ్‌‌పూర్‌‌కు దగ్గరలో గడ్చిరోలి జిల్లా ఉంది. ఇది నక్సలైట్ ప్రభావితం ఎక్కువగా ఉన్న జిల్లా. ఈ జిల్లాకు చెందిన ఓ వ్యక్తిని పోలీసులు అరెస్టు చేశారు. అతడికి కోర్టు బెయిల్ కూడా ఇవ్వలేదు. అతడికి రైతుల నిరసనలతో నేరుగా ఎలాంటి సంబంధమూ లేదు. కానీ రైతు నిరసనల్లో ఆ వ్యక్తి ఫొటోను ప్రదర్శిస్తున్నారు. ఇదేంటో నాకు అర్థం కావడం లేదు. ఢిల్లీలో దేశ వ్యతిరేక స్పీచ్‌‌లు ఇచ్చిన వారితోపాటు ఈ దేశంతో, రైతుల నిరసనలతో ఎలాంటి సంబంధం లేని వారి ఫొటోలను కూడా ప్రదర్శిస్తున్నారు. దయచేసి ఈ నిరసనల్లో వారి ఫొటోలు ఎలా వచ్చాయో చెప్పండి. ఈ నిరసనలను వాడుకొని, అన్నదాతలను తప్పుదోవ పట్టించే కొన్ని కార్యకలాపాలు జరుగుతున్నాయి. ఇది ముమ్మాటికి తప్పుగా నేను భావిస్తున్నా’ అని గడ్కరీ పేర్కొన్నారు.

Tagged anti national forces, new agricultural laws, Farmers protest, photos, Nithin gadkari, Jailed

Latest Videos

Subscribe Now

More News