పొరుగు దేశాల నుండి వచ్చే క్రైస్తవులకు పౌరసత్వం ఇస్తానని ప్రగల్భాలు పలుకుతున్న బీజేపీ.. వారి కోసం 114 అడుగుల యేసుక్రీస్తు విగ్రహ నిర్మాణానికి మాత్రం వ్యతిరేకిస్తుందని అన్నారు రాజకీయ కార్యకర్త,కవిరచయిత జావేద్ అక్తర్. క్రిష్టియన్స్ కూడా మైనార్టీలేనని, ఈ సవరించిన చట్ట ప్రకారం వారికి కూడా ప్రభుత్వం సహాయ సహకారాలు అందించాలన్నారు.
ఈ విగ్రహాన్ని క్రిష్టియన్స్ ఎక్కువగా ఉండే కర్ణాటకలోని హరోబెలో అనే గ్రామంలో నిర్మించేందుకు ప్రతిపాదన జరిగిందని, కాంగ్రెస్ లీడర్, కనకపూర ఎమ్మెల్యే డి.కె. శివకుమార్ ఈ నిర్మాణానికి సహాయం కూడా చేస్తున్నారన్నారు జావేద్. ఈ ప్రాజెక్టు కు సంబంధించి ప్రతీ ఒక్కటీ చట్టబద్ధంగానే ఉన్నదని, విగ్రహాం ఏర్పాటు చేయాలన్నది గ్రామస్తుల డిమాండ్ కూడా అని అయన అన్నారు. ఈ విగ్రహం బ్రెజిల్‌లోని రియో డి జనీరోలో ఉన్న ప్రఖ్యాత క్రీస్తు ది రిడీమర్ విగ్రహం కంటే ఎత్తుగా, 114 అడుగుల ఎత్తులో ఉండాలని ప్రతిపాదన చేసినట్టు జావేద్ అన్నారు.
