ఇవి మామూలు షూ కాదు. జీసస్ అనుగ్రహం ఉన్న షూనట. అత్యంత పవిత్రమైనవట. బ్రూక్లిన్కు చెందిన ఎంఎస్సీహెచ్ఎఫ్ అనే సంస్థ నైకీ ఎయిర్ మ్యాక్స్ 97 షూలను జీసస్ షూగా మార్చింది. వాటి సోల్లో పవిత్రమైన జోర్డాన్ నది నీళ్లను పోసి పెట్టింది. షూ లేస్కు క్రీస్తు శిలువను తగిలించింది. అంతేకాదు, సోల్కు కొంచెం పైన జీసస్ నీళ్ల మీద నడిచాడు అని చెప్పే బైబిల్లోని మాథ్యూ 14:25 అనే సూక్తినీ రాసింది. ఆ షూకు చర్చి ఫాస్టర్లతో ప్రత్యేక ప్రార్థనలూ చేయించింది.
ఓ రెండు డజన్ల షూలను మాత్రమే ఆ కంపెనీ తయారు చేసింది. అతి త్వరలోనే మరికొన్ని జతల షూలను తయారు చేస్తామని ఆ కంపెనీ ఓనర్ గేబ్రియల్ వేలీ చెప్పాడు. ఈ షూ ఖరీదు కూడా మామూలుగా లేదు. 3 వేల డాలర్లు. దాదాపు 2 లక్షల 12 వేల రూపాయలు.
