- జేఎన్టీయూ వీసీ కట్టా నర్సింహారెడ్డి
జేఎన్టీయూ, వెలుగు : స్టూడెంట్లు పట్టుదలతో తమ లక్ష్యం చేరుకోవాలని జేఎన్టీయూ వీసీ కట్టా నర్సింహారెడ్డి సూచించారు. కూకట్పల్లి క్యాంపస్లో చేరిన ఫస్టియర్ స్టూడెంట్లకు సోమవారం సాయంత్రం వర్సిటీలోని ఆడిటోరియంలో ఓరియంటేషన్ ప్రోగ్రాం నిర్వహించారు. చీఫ్గెస్టుగా హాజరైన వీసీ మాట్లాడుతూ.. వర్సిటీలో పలు రకాల క్లబ్లు ఉన్నాయని, వాటిని సద్వినియోగం
చేసుకుని ప్రతిభను పెంపొందించుకోవాలని సూచించారు. కార్యక్రమంలో కాలేజి ప్రిన్సిపాల్ విజయకుమార్ రెడ్డి, రిజిస్ట్రార్ మంజూర్ హుస్సేన్, రెక్టార్ గోవర్ధన్, వైస్ ప్రిన్సిపల్ నరసింహారెడ్డి , సీఆర్సీ చైర్మన్ పార్వతి, స్టూడెంట్ల తల్లితండ్రులు పాల్గొన్నారు.
