భద్రాచలం, వెలుగు: యువత డ్రగ్స్ కు దూరంగా ఉండాలని భద్రాచలం ఫస్ట్ క్లాస్ జడ్జి, మండల లీగల్ సర్వీసెస్ అథారిటీ ఛైర్మన్ వి.శివనాయక్ పిలుపునిచ్చారు. పట్టణంలోని దక్షిత డీ అడిక్షన్ సెంటర్లో శనివారం నిర్వహించిన న్యాయసదస్సులో ఆయన పాల్గొని మాట్లాడారు. యువత చెడు వ్యసనాలకు దూరంగా ఉండాలని, డ్రగ్స్ భూతాన్ని తరిమికొట్టాలని సూచించారు. కార్యక్రమంలో భద్రాచలం బార్ అసోషియేషన్ సీనియర్ న్యాయవాదులు పేరాల వెంకటేశ్వర్లు, పడిసిరి శ్రీనివాసరావు, పామరాజు తిరుమలరావు, పట్టణ ఎస్సై శ్యాం ప్రసాద్ తదితరులు పాల్గొన్నారు.
