కాశీబుగ్గ, వెలుగు: రైతులు ఆరుగాలం కష్టపడి పండించిన పంటలకు మద్దతు ధర కల్పించాలని రైతు సంఘం నాయకులు డిమాండ్ చేశారు. మంగళవారం సిటీలోని తెలంగాణ రైతు భవన్లో రౌండ్ టేబుట్ సమావేశం నిర్వహించారు. దీనికి హాజరైన జస్టిస్ చంద్రకుమార్ మాట్లాడుతూ స్వామినాథన్ సిఫారసులను తక్షణమే అమలు చేయాలని, పంటల భీమా పథకం వచ్చే వానాకాలంలో అమలులోకి తేవాలని, వ్యవసాయానికి ఉపాధి హామీ పథకాన్ని అనుసంధానం చేయాలని, మార్కెట్లో ధరలు పడిపోతున్నప్పుడు ఆ మేరకు బోనస్ రైతుల ఖాతాల్లో నేరుగా జమచేయాలన్నారు.
2022లో సమ్మె చేసిన రైతులకు కేంద్ర ప్రభుత్వం ఇచ్చిన హామీ అమలు చేయాలని డిమాండ్ చేశారు. ప్రొఫెసర్వెంకటనారాయణ, రాజయ్య, శ్రీనివాస్, గోవర్ధన్, రవీందర్, బుచ్చిరెడ్డి, రాజేందర్, భాస్కర్, కిషన్, ప్రసాద్ ఉన్నారు.
