- సరిపడా బెడ్స్లేవు
- తాగునీరు కూడా బయట నుంచి తెచ్చుకోవాల్సిందే
- కామారెడ్డి జిల్లా హాస్పిటల్ పరిస్థితి అధ్వానం
- పేషెంట్లకు తప్పనితిప్పలు
కామారెడ్డి, వెలుగు: కామారెడ్డి జిల్లా హాస్పిటల్ను అనేక సమస్యలు వెంటాడుతున్నాయి. హాస్పిటల్ స్థాయి పెరిగినా అందుకనుగుణంగా సౌలత్లు కల్పించకపోవడంతో పేషెంట్లు ఇబ్బంది పడుతున్నారు. ట్రీట్మెంట్కోసం రోజూ వందలాది మంది పేషెంట్లు హాస్పిటల్కు వస్తుంటారు. అవుట్, ఇన్పేషెంట్లతో కిక్కిరిసిపోతుంది. పేషెంట్ల రద్దీకి అనుగుణంగా సౌకర్యాలు లేక ఇబ్బందులు ఎదురవుతున్నాయి.
ప్రధానంగా ఇన్పేషెంట్లకు బెడ్స్సరిపోవడం లేదు. తాగునీటి ప్రాబ్లమ్తీవ్రంగా ఉంది. హాస్పిటల్ కూడా ఇరుకిరుకుగా మారింది. గతంలో 100 బెడ్స్తో ఏరియా హాస్పిటల్గా ఉన్న దీన్ని జిల్లాల ఏర్పాటు తర్వాత జిల్లా హాస్పిటల్గా అప్గ్రేడ్ చేశారు. బెడ్స్ను 100 నుంచి 200కు పెంచారు. ఈ బెడ్స్ కూడా సరిపోవడం లేదు. గతేడాది జిల్లాకు మెడికల్ కాలేజీని మంజూరు చేయడంతో హాస్పిటల్ను టీచింగ్హాస్పిటల్గా మార్చారు.
మరో 100 బెడ్ల ఏర్పాటుకు చర్యలు చేపట్టారు. ప్రస్తుతమున్న బిల్డింగ్పైనే టెంపరరీగా షెడ్లు వేశారు. బెడ్స్, ఇతర మెటీరియల్స్వచ్చాయి. అడిషనల్ బెడ్స్ ఇంకా వేయలేదు. డెలవరీల కోసం రోజూ 8 నుంచి 12 మంది గర్భిణులు వస్తుంటారు. యాక్సిడెంట్లు, ఇతర ఎమర్జెన్సీ కేసులు కూడా ఎక్కువగానే ఉంటాయి. వీరితో పాటు వివిధ వ్యాధులతో ట్రీట్మెంట్ పొందేవాళ్లు, సర్జరీలు చేయించుకున్న వాళ్లు ఇన్పేషెంట్లుగా హాస్పిటల్లో ఉంటారు. వీరందిరకీ బెడ్స్అడ్జెస్ట్ చేయడం ఇబ్బందవుతోంది.
నీళ్లు బయట నుంచే తెచ్చుకోవాలే
హాస్పిటల్లో ఇన్ పేషెంట్లుగా చేరేవాళ్లు, వారి సంబంధీకులు తాగేనీటిని బయట నుంచే తెచ్చుకోవాల్సిందే. డ్రింకింగ్ వాటర్ కోసం ప్లాంట్ను ఏర్పాటు చేసినా అది సరిగా పని చేయడం లేదు. సరిపడా నీళ్లు లేక చాలా మంది హాస్పిటల్ బయట దాతలు ఏర్పాటు చేసిన ట్యాంక్ నుంచి తాగునీటిని బాటిల్స్లో తెచ్చుకుంటున్నారు.
కొత్త బిల్డింగ్ పనులు త్వరగా కంప్లీట్ చేస్తేనే..
మాత, శిశు సంరక్షణ హాస్పిటల్ కోసం నిర్మించిన బిల్డింగ్లో ప్రస్తుతం మెడికల్ కాలేజీని నడుపుతున్నారు. కాలేజీ, హాస్పిటల్ బిల్డింగ్ కోసం గతంలో రూ.400 కోట్లు శాంక్షనయ్యాయి. పనులు చేపట్టాల్సి ఉంది. ప్రభుత్వం కాలేజీ, హాస్పిటల్ బిల్డింగ్ పనులను త్వరగా కంప్లీట్ చేయిస్తే రోగులకు మెరుగైన వైద్య సేవలు అందుతాయి.
ఇరుకిరుకుగా..
దశబ్దాల కింద అప్పటి జనాభా అవసరాలకు అనుగుణంగా హాస్పిటల్ బిల్డింగ్ ను నిర్మించారు. ఇటీవల హాస్పిటల్ స్థాయి పెరిగింది. కొత్తగా విభాగాలు వచ్చాయి. వీటన్నింటిని ఇందులోనే రూమ్స్లో అడ్జెస్ట్ చేశారు. బిల్డింగ్ ఇరుకుగా ఉండడంతో పేషెంట్లు, వారి సంబంధీకులు, డాక్టర్లు, స్టాఫ్ఇబ్బందులు పడుతున్నారు. హాస్పిటల్ బిల్డింగ్కు చాలా చోట్ల పగుళ్లు వచ్చాయి.
Also read : జనగామ మున్సిపల్‌ బడ్జెట్‌ 27.43 కోట్లు
శానిటేషన్ కూడా సరిగా లేదు. వార్డుల్లో ఎలుకలు తిరుగుతున్నాయి. ఇటీవల ఐసీయూలో ఉన్న పేషెంట్ ను ఎలుకలు కొరకడం చర్చనీయాంశమైంది. ఇద్దరు డాక్టర్లు, స్టాఫ్నర్స్ను సస్పెండ్ చేశారు. వైద్య విధాన పరిషత్ తరఫున సూపరింటెండెంట్గా ఉన్న డాక్టర్ విజయలక్ష్మిని బాధ్యతల నుంచి తప్పించి, టీచింగ్ హాస్పిటల్లో జనరల్ సర్జన్ హెచ్ఓడీ రాంసింగ్కు బాధ్యతలు అప్పగించారు.
