మంచు విష్ణు(Manchu vishnu) టైటిల్ రోల్ లో కనిపించనున్న మోస్ట్ ప్రెస్టీజియస్ ప్రాజెక్టు కన్నప్ప(Kannappa). భారీ బడ్జెట్ తో, పాన్ ఇండియా లెవల్లో తెరకెక్కుతున్న ఈ సినిమాకు ముఖేష్ కుమార్ సింగ్(Mukhesh kumar singh) దర్శకత్వం వహిస్తున్నారు. ఇటీవలే అధికారికంగా ప్రారంభమైన ఈ సినిమా షూటింగ్ ప్రస్తుతం శరవేగంగా జరుగుతోంది.
అనౌన్స్మెంట్ తోనే హైప్ క్రియేట్ చేసిన ఈ సినిమాను నెక్స్ట్ లెవల్ కు తీసుకెళ్లేందుకు స్టార్ క్యాస్ట్ ను సిద్ధం చేస్తున్నారు మంచు విష్ణు. ఈ ప్రెస్టీజియస్ ప్రాజెక్టు తో ఎలాగైనా హిట్టు కొట్టాలని కంకణం కట్టుకున్నాడు మంచు విష్ణు. అందుకే ఈ సినిమాలో ప్రభాస్ శివుడిగా నటిస్తున్నారన్న విషయాన్ని చెప్పి అంచనాలు పెంచేశాడు. అంతేకాదు నయనతార పార్వతిగా నటిస్తోంది అనే వార్తలు కూడా వినిపిస్తున్నాయి. అయితే ఈ వార్తలపై మాత్రం ఎలాంటి క్లారిటీ ఇవ్వలేదు మేకర్స్.
ఇక తాజాగా ఈ సినిమా కోసం మరో స్టార్ హీరోను దించే పనిలో పడ్డారట విష్ణు. ఆ స్టార్ హీరో మరెవరో కాదు కన్నడ సూపర్ స్టార్ శివరాజ్ కుమార్. కన్నప్పలో ఒక కీలక మైన పాత్ర కోసం శివరాజ్ కుమార్ ను తీసుకున్నారట. అయితే ఆయన ఏ పాత్రలో కనిపించనున్నారు అనేదానిపై మాత్రం క్లారిటీ లేదు.
