కనుమ పండుగ వచ్చిందంటే.. మాంసాహారం తినే ఇళ్లలో చికెన్.. మటన్ ఇలా ఏదో ఒక నాన్ వెజ్ ముక్కను కొరకాల్సిందే అంటారు పెద్దలు. అవును మరి, ఊళ్లో పెద్దోళ్లు అయితే నాలుగు గంటలకే లేచి చికెన్ మార్కెట్ వెళ్లి ఏదో ఒక వెరైటీ తెస్తారు. పండుగరోజు చికెన్ ఫ్రై, బోన్ లెస్ చిల్లీ చికెన్, చికెన్ బాల్స్ వండుకుని పండుగ చేసుకోండి. జస్ట్ 20 నిమిషాల్లో సింపుల్ గా టేస్టీగా.. ఎలా తయారు చేయాలో తెలుసుకుందాం. .
చికెన్ ఫ్రై తయారీకి కాలవసినవి
- చికెన్– కిలో
- ఉల్లిగడ్డ పేస్ట్– ఒక టేబుల్ స్పూన్
- పచ్చిమిర్చి తరుగు– రెండు టీ స్పూన్లు
- అల్లం.. వెల్లుల్లి పేస్టు– రెండు టేబుల్ స్పూన్లు
- పసుపు – అర టీస్పూన్
- కారం– రుచికొ సరిపడా
- గరం మసాలా - ఒకటీస్పూన్
- పెరుగు–ఒక టేబుల్ స్పూన్ (కావాలంటే)
- నూనె - సరిపడా
- ఉప్పు- తగినంత
- కొత్తిమీర తరుగు - పావు కప్పు
చికెన్ ఫ్రై తయారీ విధానం
చికెన్ ముక్కల్లో ఉప్పు పసుపు. కొద్దిగా నూనె, పెరుగు, అల్లం-వెల్లుల్లి పేస్ట్, ఉల్లిగడ్డ పేస్ట్ పట్టించి20 నిమిషాలు పక్కన పెట్టాలి. వెదల్పాటి పాన్ లో ఈ చికెన్ ముక్కలు వేసి నీరంతా ఆవిరూ చికెన్ సగం ఉడికే వారకు స్టవ్ మీద ఉంచి తర్వాత పాన్ దింపేయాలి.
మరో గిన్నెలో నూనె వేసి చికెన్ ముక్కలు, కారం, పచ్చిమిర్చి తరుగు వేసి సన్నని మంటపై వేగించాలి. చికెన్ పూర్తిగా వేగడానికి ఇరవై నిమిషాల సమయం పడుతుంది. తరువాత గరం మసాలా, కొత్తమీర తరుగు చల్లితే టేస్టీ చికెన్ ఫ్రై రిడీ
బోన్ లెస్ చిల్లీ చికెన్ తయారీకి కావాల్సిన పదార్థాలు
- బోన్ లెస్ చికెన్: 350 గ్రాములు
- కార్న్ ఫ్లోర్: అరకప్పు
- గుడ్డు : ఒకటి
- వెల్లుల్లి పేస్ట్ : అరటీస్పూన్
- అల్లం పేస్ట్ : అర టీస్పూన్
- నూనె : తగినంత
- ఉప్పు: తగినంత
- ఉల్లిగడ్డలు : ఒక కప్పు (తరిగినవి)
- సోయాసాస్ : ఒక టేబుల్ స్పూన్
- పచ్చిమిర్చి : రెండు
- వెనిగర్ : రెండు టేబుల్ స్పూన్లు
- నీళ్లు: తగినంత
బోన్ లెస్ చిల్లీ చికెన్ తయారీ విధానం:
ఒక గిన్నెలో కార్న్ ఫ్లోర్, ఉప్పు, వెల్లుల్లి పేస్ట్, గుడ్డు, నీళ్లు పోసి జారుగా కలుపుకోవాలి. చిన్నముక్కలు కట్ చేసి పెట్టుకున్న చికెన్ ముక్కలు వేసి బాగా కలపాలి. ఇప్పుడు కడాయిలో నూనె వేసి వేడిచేయాలి. వేడెక్కిన నూనెలో ఈ మిశ్రమంలో కలిపిన చికెన్ ముక్కలు వేయాలి. డీప్ ఫ్రై చేయాలి.
ఫ్రై చేసిన ముక్కలను టిష్యూ పేపర్ మీద వేయాలి. ఇలా వేస్తే.. ముక్కకు పట్టుకున్ననూ నెను టిష్యూ పేపర్లు పీల్చుకుంటాయి. ఆ తర్వాత చికెన్ డీప్ ఫ్రై చేయాలి. ఒక పాన్ మీద పెట్టి రెండు టేబుల్స్పూవ నూనె వేడిచేయాలి. అందులో సన్నగా తరిగిన ఉల్లిగడ్డ ముక్కలు వేసి ఫ్రై చేయాలి.
ఉల్లిగడ్డలు వేగాక అందులోనే సోయాసాస్, వెనిగర్, అల్లం పేస్ట్ ఫ్రై చేసిన చికెన్ ముక్కలు వేయాలి. గ్రేవీ కావాలనుకుంటే.. కాస్త నీళ్లు పోసి కాసేపు సన్నని మంట మీద ఉంచాలి. దింపేముందు కొత్తిమీర, పుదీనాతో గార్నిష్ చేసుకుంటే టేస్ట్ అదిరిపోతుంది.
చికెన్ బాల్స్ తయారీకికావాల్సిన పదార్థాలు
- చికెన్ కీమా : పావుకిలో
- పచ్చిమిర్చి: నాలుగు
- ఉప్పు : తగినంత
- చిల్లీసాస్ : రెండు టీస్పూన్లు
- కార్న్ ఫ్లోర్ : ఒక టేబుల్ స్పూన్
- మైదా: ఒక టేబుల్ స్పూన్
- నూనె: వేగించడానికి (సరిపడా)
చికెన్ బాల్స్ తయారీ విధానం
చికెన్ కీమాలో కార్న్ ఫ్లోర్, మైదా, సన్నగా తరిగిన పచ్చిమిర్చి, ఉప్పు చిల్లీసాస్ వేసి బాగా కలపాలి. ఈ మిశ్రమాన్ని కాసేపు పులియబెట్టాలి. కావాల్సిన సైజులో బాల్స్ చేసుకోవాలి.
కడాయిలో నూనె వేడిచేసి కాగుతున్న నూనెలో చికెన్ బాల్స్ వేసి ఎర్రగా వేగించాలి. ఉల్లిగడ్డ ముక్కలు నంజుకుంటూ... సాస్లో ముంచి తింటే... చికెన్ బాల్స్ భలేగుంటయ్.
మరి ఇంకెందుకు ఆలస్యం.. కనుమ రోజు( 2026 జనవరి 16) ఇలాంటి నాన్ వెజ్ ముక్కలను కొరుకుతూ లొట్టలేసుకొని ఎంజాయి చేద్దామా మరి..!
