పరమ పవిత్రం.. కార్తీకమాసం.. రుబ్బురోలుపూజ.. పార్వతిదేవి కూడా చేసింది..!

కార్తీకమాసం కొనసాగుతుంది. నవంబర్‌ 20 వరకు కార్తీక మాసం ఉంటుంది. ఈ నెలలో పరమేశ్వరుడిని విశేషమైన భక్తి శ్రద్ధలతో ఆరాధిస్తారు. కార్తీక మాసంలో రుబ్బురోలుకు పూజ చేస్తారు. ఇది ఒక ముఖ్యమైన ఆచారం.. చాలా మంది ఈ పూజను చేస్తారు కానీ దాని వెనుక ఉన్న కారణం చాలా మందికి తెలియదు. ఈ స్టోరీలో పరమేశ్వరుడికి ..రుబ్బురోలుకు ఉన్న సంబంధం ఏమిటి.. కార్తీకమాసంలో ఎందుకు పూజించాలి.. ఆ ఆచారం వెనుక ఉన్న ప్రాముఖ్యత ఏమిటి.. మొదలగు విషయాలను ఈ స్టోరీలో తెలుసుకుందాం. . .!

కార్తీకమాసం.. ప్రతి రోజూ ...కార్తీకమాసంలో రుబ్బురోలు పూజ అనేది ఒక ప్రత్యేకమైన ఆచారం. ఈ పూజను కార్తీకమాసంలో ఆచరిస్తారు, ఇది హిందూమతంలో చాలా పవిత్రమైనది. ఈ మాసంలో, రుబ్బురోలును పూజించడం వల్ల దేవతల అనుగ్రహం లభిస్తుందని విశ్వసిస్తారు.

కార్తీకమాసంలో హిందువులు పాటించే నియమాలు.. పూజలు.. ఆధ్యాత్మికంగా నిర్వహించే కార్యక్రమాలకు శాస్త్రీయ అర్దం కూడా ఉందని పండితులు చెబుతున్నారు. పూర్వం పురాణాల్లో పేర్కొన్న అంశాలను ఇప్పుడు శాస్త్రవేత్తలు ధృవీకరిస్తున్నారని ఆధ్యాత్మిక పండితులు చెబుతున్నారు. కార్తీక మాసంలో రుబ్బురోలుకు పూజ చేయడం.. ఎంతో పవిత్రంగా భావించడం అనేది అనాదిగా వస్తున్న ఆచారం.. ఇలా ఎందుకు చేస్తారో తెలియక పోయినా పెద్దలు అనుసరించారు కాబట్టి రుబ్బు రోలుకు పూజ చేస్తారు.

రుబ్బురోలుకు.. ప్రకృతి ఉన్న సంబంధం ఇదే..!

కార్తీకమాసంలో ప్రతి వస్తువుకీ శుద్ధి చేసే శక్తి ఉంది అని శాస్త్రాలు చెబుతున్నాయి. కార్తీకమాసంలో ప్రకృతి స్వభావం చల్లబడుతుంది. ఈ కాలంలో రుబ్బురోలు వంటి పరికరాలు ఎక్కువగా వాడబడవు. అందువల్ల వాటిని పూజించడం, శుభ్రం చేయడం, మళ్లీ పవిత్రం కల్పించడం అనే ఆచారం ఏర్పడింది.

స్కాంద పురాణం ప్రకారం

పురాణాల ప్రకారం పార్వతీ దేవి స్వయంగా రుబ్బురోలులో సుగంధ ద్రవ్యాలు రుద్దేది. భూమాత రూపంలో ఉన్న రాతిని పూజించడం వలన పాపాలు తొలగిపోతాయి అని స్కాంద పురాణంలో చెప్పబడింది. రుబ్బురోలు అన్నదానానికి సంకేతం. కాబట్టి ఆ పరికరానికి పూజ చేస్తే ఇంట్లో ఎప్పటికీ అన్నం కొరత ఉండదని పురణాల ద్వారా తెలుస్తుంది.

స్కాంద పురాణం ప్రకారం

దేవతల పూజగా భావిస్తారు

రుబ్బురోలు అనేది మన పాత పద్దతుల్లో ప్రతి ఇంట్లో ఉండే ఒక సాధనం. దీనితో మసాలాలు, పప్పులు, బియ్యం మొదలైనవి రుద్దేవారు. ఆ రాతి పరికరం మీద రోజూ ఆహారం తయారీకి అవసరమైన పదార్థాలు తయారవుతాయి కాబట్టి ఇది ఆహారానికి, అన్నదాతకు ప్రతీకగా భావించబడింది.

పురాతన కాలంలో మన పెద్దలు ఆ పరికరాన్ని కూడా పవిత్ర మైనదిగా పరిగణించారు. ఎందుకంటే ఆ పరికరంతో తయారైన ఆహారం దేవుడికి నైవేద్యంగా వెళ్తుంది. అందుకే రుబ్బురోలు పూజ అనేది దేవతల పూజలో భాగంగా ఏర్పడింది.

రుబ్బురోలు అనేది కేవలం రాయి కాదు అది భూమాతకు ప్రతీక. మనం భూమిపై పంటలు పండించి ఆహారం పొందుతున్నాము. రుబ్బురోలు ఆ పంటల పదార్థాలను మృదువుగా మార్చే సాధనం. కాబట్టి దానికి పూజ చేయడం అంటే మన భూమాతకు కృతజ్ఞత తెలపడం. ఇది మన పూర్వీకులు ప్రకృతిని పూజించే పద్ధతిలో భాగం.

పూజ ఎప్పుడు చేస్తారు

కార్తీకమాసం పౌర్ణమి రోజున ( 2025 నవంబర్ 5) రుబ్బురోలు పూజ చేయడం అత్యంత శ్రేయస్కరం అని ద్దలు చెబుతారు. ఆ రోజున ముందుగా రుబ్బురోలును శుభ్రంగా కడిగి, పసుపు, కుంకుమ, చందనం, పూలతో అలంకరిస్తారు. దీపం వెలిగించి పూజ చేసి, అన్నపూర్ణా దేవికి నైవేద్యం పెట్టి ప్రార్థిస్తారు. ఆ తరువాత కుటుంబ సభ్యులు ఆ నైవేద్యాన్ని తీసుకుంటారు. ఈ పూజ ద్వారా గృహంలో శ్రీమహాలక్ష్మి కటాక్షం కలుగుతుందని, ధనసంపద, ఆరోగ్యం, శాంతి, సౌభాగ్యం చేకూరుతాయని విశ్వాసం ఉంది.

శాస్త్రీయంగా కూడా ఈ పూజకు ఉన్న కారణం చాలా బలమైనది. రాతిపైన మసాలాలు, పప్పులు రుద్దడం వలన సూక్ష్మజీవులు పెరుగుతాయి. దీపం వెలిగించడం, పసుపు, కుంకుమ చల్లడం వలన ఆ సూక్ష్మజీవులు నశిస్తాయి. ఇది రుబ్బురోలు పరిశుభ్రంగా ఉండేందుకు సహాయపడుతుంది. పూజ రూపంలో ఇది ఒక శాస్త్రీయ శుభ్రత విధానం.

కృతజ్ఞతా పూర్వకమైన పూజ

కార్తీకమాసంలో రుబ్బురోలు పూజ చేయడం ఒక చిన్న ఆచారం అనిపించినా, దాని వెనుక ఉన్న భావన ఎంతో గొప్పది. భూమాతకు, అన్నపూర్ణా దేవికి, ప్రకృతికి మనం తెలుపే కృతజ్ఞతా పూర్వకమైన పూజ ఇది. ఇంట్లో రుబ్బురోలు పూజ చేయడం వల్ల ఆహార సమృద్ధి, ఆరోగ్యం, ధనవృద్ధి, శాంతి ఇవన్నీ కలుగుతాయని పెద్దలు చెబుతారు. ఇది కేవలం ఆచారం కాదు, మన జీవన విధానంలో ప్రకృతితో, ఆహారంతో ఉన్న అనుబంధానికి ప్రతీకఇని పండితులు చెబుతున్నారు.

Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనాన్ని పురాణాల ప్రకారం పండితులు నిపుణుల సలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించలేదు. మీకున్న ఆధ్యాత్మిక నిపుణులను సంప్రదించటం ఉత్తమం.