కోలీవుడ్ స్టార్ కార్తి హీరోగా పిఎస్ మిత్రన్ దర్శకత్వంలో తెరకెక్కుతోన్న చిత్రం ‘సర్దార్ 2’. మూడేళ్ల క్రితం ‘సర్దార్’గా సక్సెస్ అందుకోగా, ఇప్పుడు సీక్వెల్‌‌తో ప్రేక్షకుల ముందుకు రాబోతున్నాడు. ఆదివారం కార్తి పుట్టినరోజు సందర్భంగా ఈ చిత్రం నుంచి స్పెషల్ పోస్టర్‌‌‌‌ను రిలీజ్ చేశారు మేకర్స్. ఇందులో కార్తి మ్యాసీవ్ మిషన్ గన్ పట్టుకొని రగ్గడ్ లుక్‌‌లో కనిపిస్తూ ఇంప్రెస్ చేస్తున్నాడు. సినిమాలో కార్తి క్యారెక్టర్ ఎంత పవర్‌‌‌‌ఫుల్‌‌గా ఉండబోతోందో ఈ పోస్టర్ తెలియజేస్తోంది.
ప్రస్తుతం ఈ మూవీ షూటింగ్ శరవేగంగా జరుగుతోంది. మాళవిక మోహనన్, ఆషికా రంగనాథ్, రజిషా విజయన్ హీరోయిన్స్‌‌గా నటిస్తుండగా, ఎస్ జె సూర్య కీలక పాత్ర పోషిస్తున్నాడు. ప్రిన్స్ పిక్చర్స్ బ్యానర్‌‌‌‌పై ఎస్ లక్ష్మణ్ కుమార్ ఈ చిత్రాన్ని నిర్మిస్తున్నారు. యువన్ శంకర్ రాజా సంగీతం అందిస్తున్నాడు. దీంతో పాటు మరో నాలుగైదు ప్రాజెక్టులకు కమిట్ అయిన కార్తికు బర్త్‌‌డే విషెస్‌‌ను తెలియజేశారు ఆయా మూవీ మేకర్స్.
