హైదరాబాద్, వెలుగు: తెలంగాణ స్టేట్ టీచర్స్ ఫెడరేషన్ (టీఆర్టీఎఫ్) కొత్త రాష్ట్ర కార్యవర్గం ఎంపిక జరిగింది. స్టేట్ ప్రెసిడెంట్గా కటకం రమేశ్, జనరల్ సెక్రటరీగా అశోక్కుమార్ ఎన్నికయ్యారు. స్టేట్ అసోసియేట్ ప్రెసిడెంట్లుగా ధరావత్ రాములు, రవికుమార్, నందికొండ విద్యాసాగర్, రెంటాల రమణారెడ్డి, గజభీంకార్ గోవర్ధన్, జి.సదానందంతో పాటు మొత్తం 48మందితో కొత్త కమిటీని ఎన్నుకున్నట్లు నేతలు తెలిపారు.
కాంగ్రెస్ ప్రభుత్వం మేనిఫెస్టోలో పేర్కొన్నట్లుగా సీపీఎస్రద్దుకు కార్యాచరణ చేపట్టాలని కటకం రమేశ్ విజ్ఞప్తి చేశారు. ప్రైమరీ స్కూళ్లల్లో పనిచేసే ఎస్జీటీ టీచర్లకూ టీచర్ ఎమ్మెల్సీ ఎన్నికల్లో ఓటు హక్కు కల్పించాలన్నారు. టీచర్లకు బదిలీలు నిర్వహించాలని, పెండింగ్ బిల్లులను పరిష్కరించాలని, ఒకటో తేదీన జీతాలు ఇవ్వాలని ప్రభుత్వాన్ని కోరారు.
