తొలిచిత్రం ‘రొమాంటిక్’తో హీరోయిన్గా ఆకట్టుకుని వరుస అవకాశాలు అందుకుంది కేతిక శర్మ. అయితే అవకాశాలు వచ్చిన స్థాయిలో విజయాలు దక్కలేదు. కెరీర్ ప్రారంభించి ఐదేళ్లు పూర్తి చేసుకున్న ఈ బ్యూటీ సరైన సక్సెస్ కోసం ఎదురుచూస్తోంది. ఈ క్రమంలో ఓ మ్యూజిక్ వీడియోలో మెరిసింది. టైగర్ ష్రాఫ్కు జంటగా కేతిక నటించిన 'తేను లేకే జానా' అనే రొమాంటిక్ మ్యూజిక్ వీడియో ప్రోమోను ఇటీవల విడుదల చేశారు.
ఇటీవల జరిగిన కాల్పుల ఘటన తర్వాత టైగర్ ష్రాఫ్.. సోషల్ మీడియాలోకి రీఎంట్రీ ఇస్తూ ఈ సాంగ్ ప్రోమోను షేర్ చేశాడు. ‘వన్ మోర్ ఛాన్స్.. వన్ మోర్ డాన్స్’ అనే క్యాప్షన్తో టైగర్ షేర్ చేసిన ఈ వీడియో వైరల్ అవుతోంది. ఇందులో తనకు జంటగా కేతిక శర్మ కనిపించింది. టైగర్ ష్రాఫ్ డాన్స్ మూమెంట్స్తో, కేతిక శర్మ గ్లామర్తో పాటు ఇద్దరి ఆన్ స్క్రీన్ కెమిస్ట్రీ ఇంప్రెస్ చేసిందంటూ అభిమానులు కామెంట్ చేస్తున్నారు. మరి ఈ రొమాంటిక్ సాంగ్ తర్వాతైనా కేతికకు కొత్త అవకాశాలు పలకరిస్తాయేమో చూడాలి!
