- ఇయ్యాల్టి నుంచి 30 వేల లడ్డూలు పంపిణీ
ఖైరతాబాద్, వెలుగు : ఖైరతాబాద్లోని శ్రీసప్తముఖ మహాశక్తి గణపతి విగ్రహం వద్ద ఉత్సవ కమిటీ నిర్వాహకులు సోమవారం ఉదయం శివపార్వతుల కల్యాణాన్ని ఘనంగా నిర్వహించారు. సాయంత్రం బడా గణపతికి లక్ష రుద్రాక్షలతో భారీ మాల వేశారు. ఈ కార్యక్రమంలో వందలాది మంది భక్తులు పాల్గొన్నారు. వీక్డే కావడంతో ఉదయం నుంచి రాత్రి వరకు భక్తుల రద్దీ సాధారణంగా ఉంది.
జహీరాబాద్ఎంపీ సురేశ్ షెట్కార్, మాజీ ఎమ్మెల్యే పి.విష్ణువర్థన్రెడ్డి, నీలం మధుస్వామివారిని దర్శించుకుని ప్రత్యేక పూజలు చేశారు. ఇప్పటివరకు రోజూ స్వామివారి దర్శనానికి వచ్చే భక్తులకు 25 వేల లడ్డూలు పంపిణీ చేయగా, మంగళవారం నుంచి ఆ సంఖ్యను 30 వేలకు పెంచనున్నట్లు ఎమ్మెల్యే దానం నాగేందర్ తెలిపారు.
