అమరావతి: సీఎం చంద్రబాబు అధ్యక్షతన సచివాలయంలో మంగళవారం (నవంబర్ 10) కేబినెట్ భేటీ జరిగింది. ఈ సమావేశంలో రాష్ట్ర పారిశ్రామిక అభివృద్ధి, పెట్టుబడుల ఆకర్షణే లక్ష్యంగా మంత్రివర్గం సుమారు 30కి పైగా కీలక అంశాలకు, ప్రతిపాదనలపై సుదీర్ఘంగా చర్చించి ఆమోదం తెలిపింది. విశాఖలో నవంబర్ 11, 12, 13 తేదీల్లో జరగనున్న సీఐఐ పార్టనర్షిప్ సమ్మిట్పై మంత్రి మండలి చర్చించింది. సమ్మిట్ ద్వారా భారీ పెట్టుబడులు, అంతర్జాతీయ కంపెనీల భాగస్వామ్యంపై సమీక్షించింది.
కేబినెట్ కీలక నిర్ణయాలు ఇవే
- రాంబిల్లిలో రూ.570 కోట్లతో ఈప్యాక్ డేటా సెంటర్ పరికరాల తయారీ పరిశ్రమకు ఆమోదం.
- నాయుడుపేటలో రూ.4 వేల కోట్లతో కార్బన్ కాస్మో బ్యాటరీ తయారీ పరిశ్రమకు ఆమోదం.
- తిరుపతిలో రూ.700 కోట్లతో డిక్సన్ టెక్నాలజీస్ పరిశ్రమకు ఆమోదం.
- భీమిలి అమనంలో రూ.31,387 కోట్లతో ఏఎం ఇంటెలిజెన్స్ ఏఐ డేటా సెంటర్ కు ఆమోదం.
- పశ్చిమగోదావరిలో రావళి స్పిన్నర్స్ రూ.237 కోట్ల పరిశ్రమ విస్తరణకు ఆమోదం.
- నక్కపల్లి బల్క్ డ్రగ్ పార్కులో హెటెరో గ్రూపునకు 173.82 ఎకరాల కేటాయింపు.
- జగ్గయ్యపేటలో 30 ఎకరాల్లో మహిళా పారిశ్రామిక పార్కుకు ఆమోదం.
- భోగాపురంలో రిలయన్స్ ఏఐ డేటా సెంటర్కు 24.96 ఎకరాల భూమి.
- విజయవాడలో 15 మెగావాట్ల వేస్ట్ టు ఎనర్జీ ప్లాంట్ ఏర్పాటుకు ప్రతిపాదన
