ఖానాపూర్, వెలుగు: ఇంటిగ్రేటెడ్ రెసిడెన్షియల్ స్కూల్ను ఖానాపూర్ నుంచి తరలించడాన్ని నిరసిస్తూ జేఏసీ ఇచ్చిన పట్టణం బంద్ శనివారం స్వల్ప ఉద్రిక్తతల మధ్య సాగింది. జడ్పీ బాలికల హైస్కూల్తో పాటు ప్రభుత్వ జూనియర్ కాలేజీని జేఏసీ నాయకులు బంద్ చేయించడానికి వెళ్లగా పోలీసులు, ఎంఈవో అడ్డుకున్నారు.
పిల్లల భవిష్యత్ను దృష్టిలో ఉంచుకొని తాము ఈ బంద్కు పిలుపునిచ్చామని, స్టూడెంట్లకు బయటకు పంపాలని జేఏసీ నాయకులు కోరగా.. ఎంఈఓ సంధ్యారాణి, ఎస్సై రాహుల్ గైక్వాడ్ కుదరదని చెప్పడంతో అక్కడ కొద్దిసేపు ఉద్రిక్తక నెలకొంది. సీఐ అజయ్ కుమార్ అక్కడకు చేరుకొని జేఏసీ నాయకులను అరెస్ట్ చేసి పోలీస్ స్టేషన్కు తరలించారు.
ఈ సందర్భంగా పలువురు జేఏసీ నాయకులు మాట్లాడుతూ.. ఖానాపూర్లో ఇంటిగ్రేటెడ్ రెసిడెన్షియల్ స్కూల్ ఏర్పాటు చేయకుండా ఉట్నూర్కు తరలించడం సబబుకాదన్నారు. ఇక్కడే స్కూల్ ఏర్పాటు చేసేలా ప్రభుత్వం స్పందించాలని డిమాండ్ చేశారు. జేఏసీ నాయకులు ఆకుల శ్రీనివాస్, లక్ష్మణ్ రావు, గంగారావ్, ప్రణయ్, గజేందర్, శ్రావణ్, ఖలీల్, ఇర్ఫాన్ తదితరులు పాల్గొన్నారు.
