జీడిమెట్ల, వెలుగు : బీఆర్ఎస్ హామీలు ఇచ్చి అమలు చేయదని.. ఆ పార్టీని నమ్మొద్దని కుత్బుల్లాపూర్ సెగ్మెంట్ కాంగ్రెస్ అభ్యర్థి కొలను హనుమంత రెడ్డి తెలిపారు. సెగ్మెంట్ పరిధి నిజాంపేట, ప్రగతినగర్లో శనివారం ఆయన ఎన్నికల ప్రచారం నిర్వహించారు. ఈ సందర్భంగా కొలను హనుమంత రెడ్డి మాట్లాడుతూ.. బీఆర్ఎస్ జనాలను మభ్యపెట్టేందుకు ఎన్నో హామీలు ఇచ్చి అమలు చేయలేదన్నారు. కాంగ్రెస్ను గెలిపిస్తే ఆరు గ్యారంటీలను అమలు చేస్తామన్నారు.
ప్రజా సమస్యలను పరిష్కరిస్తామని హామీ ఇచ్చారు. బీఆర్ఎస్ సీనియర్ నేత కొలను శ్రీనివాస్ రెడ్డి కాంగ్రెస్లో చేరడం తనకు, పార్టీకి కొండంత బలాన్ని ఇచ్చిందన్నారు. కాకతీయ హిల్స్, అజయ్ అపార్ట్మెంట్, భవ్యాస్ అపార్ట్ మెంట్, ఈశ్వర్ విల్లాస్ వాసులు తనకు మద్దతు ప్రకటించడం సంతోషంగా ఉందని హనుమంత రెడ్డి తెలిపారు.
