సిద్ధిపేట జిల్లా కొమురవెల్లి మల్లికార్జున స్వామివారి బ్రహ్మోత్సవాలు అంగరంగ వైభవంగా జరుగుతున్నాయి. ఇందులో భాగంగా ఐదో ఆదివారం(ఫిబ్రవరి 18) కావడంతో ఆలయానికి భక్తుల రద్దీ భారీగా పెరిగింది. కుటుంబ సభ్యులతో కలిసి స్వామికి పట్నాలు , బోనాలు సమర్పించి మొక్కులు చెల్లించుకుంటున్నారు భక్తులు.
మల్లికార్జున స్వామివారి శ్రీఘ్ర దర్శనానికి 3 గంటలు, ధర్మ దర్శనానికి 5 గంటల సమయం పడుతుంది. కొండపై ఉన్న మల్లన్న తోబుట్టువు రేణుకా ఎల్లమ్మకు భక్తులు బోనాలు సమర్పిస్తున్నారు. పెద్దఎత్తున తరలి వచ్చిన భక్తులతో కొమురవెల్లి ఆలయం కిక్కిరిసిపోయింది. భక్తులకు ఎలాంటి అసౌకర్యాలు కలగకుండా ఆలయ అధికారులు ఏర్పాట్లు చేశారు.
