కూకట్పల్లి, వెలుగు: వీఐపీ ముసుగులో పలువురిని మోసగిస్తున్న వ్యక్తిని కేపీహెచ్బీ పోలీసులు అరెస్టు చేశారు. ఏపీలోని గుంటూరు జిల్లాకు చెందిన వాయిల వెంకటేశ్వర్లు(29) కొంతకాలంగా నగరంలో డాక్టర్, జ్యెవలరీ షాపు ఓనర్, ఎంపీ కొడుకునంటూ తిరుగుతున్నాడు. విక్రాంత్రెడ్డి పేరుతో డాక్టర్ అవతారం ఎత్తాడు. ఎంపీ కొడుకునంటూ కొందరిని నమ్మించాడు. ఇలా పలువురి వద్ద డబ్బులు వసూలు చేశాడు.
కేపీహెచ్బీ కాలనీలో ఓ హాస్టల్ నిర్వాహకురాలిని పరిచయం చేసుకున్నాడు. తనకు జూబ్లీహిల్స్లో జ్యువెలరీ షాపు ఉందని నమ్మించాడు. రీమోడలింగ్ చేయిస్తానని నమ్మించి 4 తులాల గోల్డ్ చైన్ తీసుకున్నాడు. ఇంకొంచెం గోల్డ్ అవసరమని చెప్పి మరో రూ.లక్ష వసూలు చేశాడు. ఆ తర్వాత ఫోన్ స్విచాఫ్ చేసి పరారయ్యాడు. సదరు మహిళ ఫిర్యాదు చేయడంతో దర్యాప్తు చేపట్టిన పోలీసులు సోమవారం నిందితుడిని అరెస్టు చేసి రిమాండ్కు తరలించారు.
