హైదరాబాద్, వెలుగు : గ్రేటర్హైదరాబాద్పరిధి నియోజకవర్గాల్లో బీఆర్ఎస్ వర్కింగ్ ప్రెసిడెంట్ కేటీఆర్ఈ నెల 17 నుంచి రోడ్డు షోలు నిర్వహిస్తారని మంత్రి తలసాని శ్రీనివాస్యాదవ్ తెలిపారు. ఈ నెల 25న సీఎం కేసీఆర్ ప్రచార సభలు, కేటీఆర్ రోడ్డు షోలపై శనివారం తెలంగాణ భవన్లో హైదరాబాద్జిల్లా ప్రజాప్రతినిధులతో ఆయన సమీక్ష నిర్వహించారు. మీడియాతో మాట్లాడారు. గ్రేటర్లోని అన్ని నియోజకవర్గాల్లో కేటీఆర్రోడ్డు షోలు ఉంటాయని తెలిపారు.
25న కేసీఆర్ సభ కోసం పరేడ్ గ్రౌండ్తోపాటు ఎల్బీ స్టేడియం నిర్వాహకులను అనుమతి కోరామని తెలిపారు. రేవంత్రెడ్డి తన భాష మార్చుకోవాలని, నోరు అదుపులో పెట్టుకోవాలన్నారు. రేవంత్రెడ్డి, ఈటల రాజేందర్తమను తాము అతిగా ఊహించుకుంటున్నారన్నారు. తమ నియోజకవర్గాల్లో ఓడిపోతామని తెలిసి కూడా ఆయా పార్టీల అధిష్టానం మెప్పుకోసమే ఇష్టం వచ్చినట్టు మాట్లాడుతున్నారన్నారు. అంబర్పేటలో ఓడిపోతాననే భయంతోనే కిషన్రెడ్డి పోటీకి దూరంగా ఉన్నారని, రెండు సీట్లలో కూడా గెలవలేని బీజేపీ.. బీసీని ముఖ్యమంత్రి చేస్తామని చెప్పడం హాస్యాస్పదమన్నారు.